O Grupo Leche Río intégrase como patrocinador dunha das citas destacadas no mundo do running en terras lucenses. Segundo informa a Federación Galega de Atletismo o delegado desta institución en Lugo, José Manuel Peña, e a Presidenta do Grupo Leche Río S.A, Carmen Lence Ferreiro, asinaron o convenio de colaboración a través do cal o importante grupo lácteo galego pasa a patrocinar principalmente a “Liga running Leyma. E para correr…Lugo”.
Esta competición conta con sete probas que percorren diferentes concellos da provincia de Lugo. A primeira das citas foi o pasado día 12 de xaneiro coa disputa da III Carreira Popular Concello de Castro Rei.
O sistema de clasificación e puntuación irase esteblecendo en base ós postos acadados en cada proba das sete que conforman esta liga. Ó remate das mesmas haberá unha Gala Final onde se premiará en metálico as/os 3 primeras/os clasificadas/os absolutas/os, habendo de igual modo premios para os tres primeiros/as de cada categoría, así como vales canxeables por material deportivo para as categorías inferiores.
Xunto a Grupo Leche Rio S.A, tamén toman parte no patrocinio deste importante proxecto deportivo as entidades e empresas de Torre de Núñez, Deportes A Chaira, Atmósfera Sport e Caixabank.
As probas que integran a “I Liga de running Leyma. E para correr…Lugo” que patrocina o Grupo Leche Río son as seguintes:
- 12 de xaneiro: III Carreira Popular Concello de Castro Rei.
- 01 de marzo: III Carreira popular Campus Terra Leyma (Lugo).
- Maio 2020: II Carreira Popular Concello de Cospeito (a designar data).
- 5 de xullo: VI Carreira Popular de Sande.
- 10 de outubro: XI Carreira Popular de Xermade.
- 17 de outubro: XII Carreira Popular Concello do Corgo.
- 01 de novembro: I Carreira Popular A Pastoriza.
