Foi unha xornada amarga para os dous equipos galegos presentes na máxima categoría do baloncesto estatal. a LF Endesa. O Baxi Ferrol sufriu unha nova derrota, esta vez contra o Spar Gran Canaria, cun resultado de 93-81. Pola súa parte, o Durán Maquinaria Ensino, deixou escapar a vitoria fronte ao líder da competición, o Spar Girona (86-65).
Derrota amarga do Baxi
O Baxi Ferrol está a vivir unha tempada complexa na LF Endesa, na que acumula cinco partidos perdidos e só tres vitorias, o que as sitúa no 12º posto da clasificación. As galegas non foron capaces tampouco esta vez de facer fronte ao conxunto que pecha a clasificación e que acumulaba pleno de derrotas ata este momento, un Spar Gran Canaria falto de ideas que tampouco vive os seus mellores días.
Esta situación complica cada vez máis as aspiracións do equipo dirixido por Lino López, que xa ten demostrado o seu gran potencial. Agora, o Baxi Ferrol deberá loitar para erguerse, recuperar a confianza e volver ao seu mellor nivel de xogo.
O seu vindeiro partido na LF Endesa será ante o Movistar Estudiantes, este mércores 3 de decembro, ás 20:00 horas, no Pabellón Antonio Magariños de Madrid.
Ver esta publicación en Instagram
FICHA TÉCNICA
PARCIAIS: 19-29, 33-21, 24-17, 17-14
EQUIPO ARBITRAL: Paula Lema Parga, Juan P. Morales Gª-Alcaide e Sergio del Val Nuño.
INCIDENCIAS: Partido correspondente á oitava xornada da Liga Femenina Endesa, disputado no Pabellón Deportivo Insular La Paterna (Las Palmas).
Novo revés para o Ensino
O Durán Maquinaria Ensino suma a súa terceira derrota en liga no presente curso ante un Spar Girona líder da clasificación, cun resultado 86-65.
Ver esta publicación en Instagram
Era un reto moi complicado para o cadro dirixido por Suso Garrido. Tiña enfrente ao rival máis duro da competición e sabía que non sería unha tarefa sinxela ser quen de plantarlle cara. Pese a todo, as lucenses do Durán Maquinaria Ensino pelexaron por una vitoria que se lle escapou das mans e non conseguiron acabar por diante ningún dos catro cuartos do encontro.
O conxunto galego, que ocupa o 6º posto da clasificación da LF Endesa e suma 5 vitorias e 3 derrotas, debe loitar agora por conseguir novos triunfos e escalar potos na táboa.
O seu próximo partido será contra o IDK Euskotren este mércores 3 de decembro, ás 20:00 horas, no Pazo Provincial dos Deportes de Lugo.
Ver esta publicación en Instagram
FICHA TÉCNICA
PARCIAIS: 21-14, 18-11, 23-17, 25-23
EQUIPO ARBITRAL: Juan Ramón Hurtado Almansa, Jaime Gómez Luque e Joan Fanes Marginet.
INCIDENCIAS: Partido correspondente á oitava xornada da Liga Femenina Endesa, disputado no Pavelló Municipal Girona Fontaju (Girona).
