As Guerreiras Laranxas do Pescados Rubén Burela impoñíanse 7-2 ao AD Arriva Alcorcón FSF. As futbolistas amosaron un gran nivel e enorme efectividade ante un rival de peso que está a loitar a súa entrada en postos de play-off.
O encontro en Vista Alegre comezaba con intensidade como de costume, e xa houbo unha dobre ocasión para o Burela nada máis pitar o árbitro. Non ía tardar en anotar o conxunto local, xa que no minuto 1 Emilly, adiantaba ás Guerreiras Laranxas. Pero nada estaba feito. Así que, os minutos iniciais foron un intercambio de ocasións entre unhas e otras. A AD Arriva Alcorcón acadaba o mpate no minuto 9 a través de Iraia.
No minuto 12 Danny despois dunha xogada do equipo aproveita un rebote na área tras un disparo de Cami. A AD Arriva Alcorcón reaccionou rápido e en dous minutos anotaba. Foi no 14 de xogo tras un contragolpe que culmina Laura Oliva (2-2).
O último tramo da primeira parte foi moi igualado. Tanto que non houbo xeito, pese as ocasións de que se adiantase ningún dos dous equipos. Rematou o primeiro acto e a segunda metade tivo outro tono con dominante laranxa.
Comezaban os segundos 20 minutos cun Pescados Rubén Burela que tivo dúas ocasións para adiantarse nos primeros compases. No transcurso inicial da segunda parte, as Guerreiras Laranxas buscaban o gol con intensidade e cabeza, pero a igualdade era total en Vista Alegre e o tanto non chegaba.
Tamén o equipo rival tivo ocasións, pero Jozi Oliveira respondía ben baixo paus con seguridade.
O marcador rompía as táboas no minuto 30 cun gol de Ale de Paz (3-2). A partir dese momento, o partido toleu e as da Mariña iniciaron unha colleita de goles que semellaba non ter límites. Todo o que non entrara nos minutos previos, empezou a colarse na portería da AD Arriba Alcorcón.
Caeron os goles como churros. No Minuto 32, Emilly Marcondes aumenta a renda das guerreiras tras unha xogada con M. Cortés que lle deixa o balón para rematar a pracer (4-2). Dous minutos despois, volve incrementar a súa vantaxe o Pescados Rubén Burela por mediación de Elenita, nesta ocasión con Emilly Marcondes de asistenta (5-2).
O Alcorcón sacou o xogo de cinco para reducir vantaxes, non obstante o que ía producirse sería no minuto 36 o gol de Ale de Paz aproveitando unha xogada de Dany Domingos (6-2).
Nos últimos minutos de xogo, o Pescados Rubén Burela buscaba sumar outro gol. E o tanto chegaría. No minuto 39 tras recuperar un balón, a porteira Jozi Olveira executa un bo disparo desde a súa portaría e consegue anotar o 7-2 sen que o balón chegue a botar.
As Guerreiras Laranxas continúan segundas
Con este resultado as Guerreiras Laranxas continúan en segunda posición na táboa da Primeira División do FSF da RFEF. A vindeira semana as xogadoras que adestrará de novo Julio Delgado, recibirán ao Rayo Majadahonda AFAR 4 FSF, un equipo da zona baixa da táboa polo que, salvo imprevistos, volverán sumar de tres.
O Futsi Atlético Navalcarnero non tropezou e a súa ‘vítima’ esta xornada foi o Poio Pescamar que caeu en terras madrileñas por 3-0.
FICHA TÉCNICA
6) PESCADOS RUBÉN BURELA: Jozi Oliveira, Dany Domingos, Ale de Paz, Cami e Emilly Marcondes – quinteto inicial -. Tamén xogaron: Jenny, Lara Balseiro, Elenita, Bea Mateos, Cilene, Elena Aragón, M. Cortés e Sandra Buzón.
2) AD ARRIVA ALCORCÓN FSF: Aida De Miguel, Tania, Laura, Clau López e Ballesteros – quinteto inicial -. Tamén xogaron: Paula Llorente, Laura Oliva, Patri Arruti, Nere Moldes, Estela, Marta Nuño, M. De Diego e Iraia.
GOLES: Min 1 Emilly 1-0; Min 9 Iraia 1-1; Min 12 Dany 2-1; Min 14 Laura Oliva 2-2; Min 30 Ale de Paz 3-2; Min 32 Emilly 4-2; Min 34 Elenita 5-2; Min 36 Ale de Paz 6-2; Min 39 Jozi 7-2.
EQUIPO ARBITRAL: Colexiados Cardero Rodríguez, Guintín Garrido – Darriba Rivas, López Seijas. Amonestaron con cartón amarelo as xogadoras do Burela Cami e Ale de Paz.
INCIDENCIAS: Partido correspondente á xornada 23º da Primeira División do fútbol sala feminino da Real Federación Española de Fútbol, disputado no pavillón de Vista Alegre no Concello de Burela (Lugo).
