- O HC Deportivo Liceo vence con claridade ao Vilanova, penúltimo, e continúa sexto na OK Liga Ibedrola
Disque os paróns competitivos lévanse mellor logo dunha unha goleada. O HC Deportivo Liceo que prepara Stanis García dobregou ao CP Vilanova na súa casa, aproveitando a mala forma do conxunto local, e sumou tres novos puntos que se acumulan nun total de 35. O sexto posto das verdibrancas, detrás dos transatlánticos da OK Liga Iberdrola, é cada vez máis forte.
Ironicamente, o partido non empezou ben para as galegas. O CP Vilanova adiantouse aos poucos segundos mediante Paola Pascual e presentou a súa candidatura ao mesmo a pesar da súa condición de penúltimo. Non ía ser sinxelo.
Afortunadamente, a reacción verdibranca foi digna da situación e serviu para remontar. Adriana Soto e Alba Garrote foron as encargadas dese 1-2, aínda que as locais non se renderon e lograron empatar. Foron trece minutos iniciais de acción disputada. Tras cinco máis de igualdade, o tapón desapareceu.
O HC Deportivo Liceo fixo valer o seu potencial e comezou unha choiva de goles que no descanso tivo tempo de acabar con 2-4. Canto tivo máis, foi letal. Dese 2-4 pasouse ao 3-10 final, un resultado xusto pola superioridade xeral mostrada polo Liceo a partir dese primeiro cuarto de hora.
O seguinte rival do Liceo, o CP Voltregá
A OK Liga Iberdrola deterase durante dúas semanas para o equipo que adestra Stanis García, que terá na súa próxima proba a visita do CP Voltregá Stern Motor. Será, salvo cambios, o próximo día 23 ás 20:00 h no Palacio dos Deportes de Riazor. Entón saberemos se os paróns competitivos maridan ben co goleadas.
FICHA TÉCNICA
3) CP VILANOVA: Julia Baldrich; Marina Asensi, María Córdoba, Laura Manzanares e Paola Pascual – quinteto inicial-. Tamén xogaron: Blanca Angrill, Berta Bellés, Mariona Chavales, Aina Martínez e Anna García.
10) HC DEPORTIVO LICEO: Viki Caretta; María Sanjurjo, Alba Garrote, Luchy Paz e Adriana Soto – quinteto inicial-. Tamén xogaron: Alejandra Martín, Lara Yáñez e Mencía Mosquera.
GOLES: 1-0 (Paola Pascual, min. 1). 1-1 (Adriana Soto, min. 2). 1-2 (Alba Garrote, min. 4). 2-2 (Blanca Angrill, min. 13). 2-3 (María Sanjurjo, min. 18). 2-4 (María Sanjurjo, min. 24). 2-5 (Luchy Paz, min. 28). 2-6 (Adriana Soto, min. 32). 3-6 (María Córdoba, min. 32). 3-7 (Alba Garrote, min. 33). 3-8 (Alejandra Martín, min. 39). 3-9 (María Sanjurjo, min. 40). 3-10 (Alba Garrote, min. 47).
EQUIPO ARBITRAL: Oriol Garriga Mas. Mostró tarjeta azul a la local Blanca Angrill y a la liceísta María Sanjurjo.
INCIDENCIAS: Xornada 21 da OK Liga Iberdrola 2021/22 disputada no Pavelló Municipal de Vilanova.
