O conxunto ourensá do Cidade de As Burgas GLS deu un gran paso na loita pola salvación ao impoñerse por un contundente 9-2 ao Xaloc Alacant, un dos seus rivais directos pola salvación.
Curiosamente, pese á cantidade de goles anotados, nada menos que nove, o mellor das verdibrancas nesta ocasión foi a defensa. As futbolistas que adestra Manolo Codeso mantiveron a súa porta a cero durante case todo o partido.
Os goles ía caendo sen que a meta de Ana Lastra se vise perforada polas alacantinas do Xaloc Alacant.
De inicio a fin o Cidade de As Burgas GLS mandou no marcador electrónico e na pista do Pavillón Paco Paz
GOOOOOOOL De @soolpedrera de doble penalti.
Minuto 19 @cidadeasburgas 3 – @XalocAlacant 0 pic.twitter.com/8QhHY7etGS— Cidade de As Burgas FS (@cidadeasburgas) April 3, 2021
Ao descanso chegouse cun 3-0. A avalancha de goles local á volta de vestiarios fixo que o Xaloc Alacant recibise do Cidade de As Burgas GLS catro goles en cinco minutos. Algo que agotou mentalmente ás futbolisas visitantes, que tiñan saído na segunda parte á procura de darlle a volta ao partido e se deron de bruces coa realidade dun Cidade de As Burgas GLS impecable en defensa e hiperefectivo en ataque.
A fame de gol non afrouxaba no conxunto adestrado por Manolo Codeso que co 7-0 aproveitou o xogo de cinco do Xaloc Alacant para marcar o oitavo, e o fixo a gardamallas, Ana Lastra, que nese momento de partido non so tiña a súa portaría a cero se non que se permitiu a licencia de anotar na contraria e sen saír da súa propia área.
Os dous goles do Xaloc Alacant chegaron a partir do 8-0
Por fin chegou o gol da honra para as futbolistas do Xaloc Alacant, que de feito anotaron dúas veces. O luminoso da cancha ourensá redondeuno Fara co 9-2. Unha xogadora moi nova que cada vez colle máis peso no esquema de Codeso e que, ante o Xaloc Alacant anotou tres dos nove tandos locais.
Este resultado é un empuxe de moral e puntos para que o obxectivo das ourensás: acadar a salvación neste grupo pola permanencia na Primeira División feminina do fútbol sala da RFEF, e seguir o vindeiro curso 2021-22 na elite do futsal feminino español.
FICHA TÉCNICA
CIDADE DE AS BURGAS: Ana López Lastra, Lucía Nespereira, Sonia Pacios, Fara Antolín e Clara Fernández – quinteto inicial -. Tamén xogaron: Sol Pedrera, Canolich, Amelia, Aroa e Nahir Oliveira.
XALOC ALACANT: Vero Villa; Elena Sanchís, Lorena, Lara e Eva Ortiz – quinteto inicial -. Tamén xogaron: Angy, Poveda, Claudia e More.
GOLES: 1-0, min. 10 Amelia, 2-0, min. 16 Fara Antolín, 3-0, min. 20 Sol Pedrera (dez metros), 4-0, min. 24 Sol Pedrera, 5-0, min. 27 Canolich, 6-0, min. 29 Fara Antolín, 7-0, min. 29 Nahir Oliveira, 8-0, min. 32 Ana Lastra, 8-1, min. 34 Elena Sanchís, 8-2, min. 40 Poveda, 9-2, min. 40 Fara Antolín.
ÁRBITROS: Colexiados, Calleja Rubio e Darriba Villamor pertencences aos colexios asturiano e gallego respectivamente. Recibiron cartón amarelo por parte do Xaloc Alacant Claudia Marín e More, mentres que no equipo local, foi amonestada con cartón amarelo a futbolista Amelia.
INCIDENCIAS: Partido correspondente á segunda xornada da segunda fase da competición na Primeira División feminina do fútbol sala da RFEF no grupo que loita pola salvación. O partido disputouse no Pavillón Paco Paz de Ourense, con público pero con aforo reducido debido ás restriccións vixentes en Galicia na afluencia de público a espectáculos deportivos coa fin de poder conter a pandemia de COVID-19.
REVIVE O CIDADE DE AS BURGAS VS XALOC ALACANT NO YOUTUBE DO CONCELLO DE OURENSE
