Na Semana Santa a Primera División do FutSalFem estatal non para. O Pescados Rubén Burela FS foi o primeiro dos equipos galegos en afrontar o seu compromiso ligueiro. O resultado foi de goleada a favor das galegas que se impuxeron 0-8 a domicilio en Elche ante o equipo adestrado por Libertad.
| FINAL DEL PARTIDO |
Nuestras chicas caen ante @burelafs en un dificil partido. Buscaremos la victoria en Alcorcón la próxima semana pic.twitter.com/bJ1zzdvBM4
— Joventut d’Elx FS💚⚽️ (@Joventutdelx) April 6, 2023
No Pavillón Municipal de Carrús, en Elche, disputábase o encontro da xornada 24 de Primera Federación Feminina de Futsal, Clínica Blasco – Visitelche Vs Pescados Rubén Burela FS, cun resultado final de 0-8 para as Guerreiras Laranxas.
Na primeira parte ao Pescados Rubén Burela FS cústalle atopar o gol durante os primeiros 14 minutos, nos que ten numerosas oportunidades, de Antía Perez, varias de Dany e Emilly, entre outras. O técnico do conxunto galego, Julio Delgado, decide recorrer á opción de porteira – xogadora, con Patricia, e chega o 0-1 cun gol de Emilly Marcondes tras un pase de Peque.
No minuto 16 Irene Samper marca un golazo tras unha recuperación e un caño a Anais Torres. Xusto antes do descanso, Patricia anota o 3-0.
Primeiro gol de Saki co Burela
Tras o descanso, no minuto 26, chegaba o primeiro gol de Saki co Pescados Rubén Burela FS, cun remate de cabeza tras un bo centro de Patricia.
So tres minutos despois chegaba outra estrea na clasificación de goles, esta vez da cancerbeira do Burela, Caridad, que cunha puntería de 10, metía un auténtico golazo a porta baleira cando o Elche atacaba con porteira – xogadora. O xogo de cinco fixo posible un tanto de porta porta.
Chegaba o sexto gol do equipo galego cando o partido discurría polo minuto 31 de xogo. Foi da man de Emilly Marcondes despois dunha triangulación coa galega Antía Pérez e Dany .
Segundos despois Dany anota o sétimo gol cun remate de cabeza tras un tiro de Peque Mota desde o outro lado da pista. Finalmente chega o oitavo gol, segundo de Irene Samper neste partido, a cinco minutos de finalizar o encontro.
O adestrador do Pescados Rubén Burela FS, Julio Delgado, mostrábase orgulloso e contento co resultado e co xogo realizado polo equipo que adestra. Explicaba que as galegas “demostraron solidez, moi boa defensa e moi bo ataque”, na pista do Municipal de Carrús en Elche.
Esperáballes un longo camiño desde Elche ata Burela pero levaban no peto os tres puntos en xogo unha vez máis e prepáranse para o próximo partido no que se enfrontan ao primeiro da táboa no que é xa todo un ‘clásico’ do futsalfem estatal, esta vez na pista galega de Vista Alegre.
O seguinte reto das Guerreiras Laranxas será recibir en cancha propia ao líder, Futsi Atlético Navalcarnero. O cruce entre estos dous grandes do fútbol sala feminino estatal está previsto para a súa disputa o vindeiro sábado 15 de abril de 2023 ás 18:30 horas.
¡Seguimos sumando!💪🧡 pic.twitter.com/sOfbym7rcD
— Pescados Rubén Burela FS (@burelafs) April 7, 2023
FICHA TÉCNICA
0) CLÍNICA BLASCO – VISITELCHE: Tere (P), Judit (C), Peque, Eli e Aitana – quinteto inicial -. Tamén xogaron: Sara, Bianca, Lydia, Sasha, Mariia e Anais (P)
8) PESCADOS RUBÉN BURELA FS: Jozi (P), Dany, Cilene, Peque (C) e Emilly Marcondes – quinteto inicial -. Tamén xogaron: Saki, Jenny, Antía Pérez, Irene Samper, Patricia e Caridad (P).
GOLES: Min.15 Emilly 0-1; min.16 Irene Samper 0-2; min.19 Patricia 0-3; min.26 Saki 0-4; min.29 Caridad 0-5; min.31 Emilly 0-6; min.31 Dany 0-7; min.35 Irene Samper 0-8.
EQUIPO ARBITRAL: Andrés Botella López, Francisco José Castillo López, Sergio López Nicolás, Pedro José Saurin Morán. Amonestaron con cartón vermello no minuto 13 a Tere.
INCIDENCIAS: Partido correspondente á xornada 24 da Primera División do fútbol Sala feminino da RFEF. Disputado no Municipal de Carrús (Elche).
