O Pescados Rubén Burela FS consegue alzarse coa vitoria no primeiro partido en casa de Primeira Federación Feminina. En todo o encontro foi un equipo moi superior, xerando todas as ocasións e tendo todo o peso do partido.
Na primeira parte chegaría a anotar a alta suma de sete goles a favor. Abriría a conta Irene Samper aproveitando un rexeite de Vero. O segundo anotaríao Patricia nun contragolpe despois doutro rexeite na meta do Sala Zaragoza. O terceiro xurdiu a partir dunha xogada combinativa excelente, poñendo o dobrete persoal Irene Samper. O cuarto chegaría a mans de Emilly Marcondes, que non perdoaba ante Vero.
Seguía a festa das Guerreiras Laranxas co quinto de Jenny sendo servida por unha fenomenal asistencia de Patricia. O sexto poñíao Dasha con outro moi bo gol de equipo, volvendo ser Patricia a asistente. Por último, Cilene poñería o broche a esta primeira metade de escándalo cun trallazo que se coou na portería despois de pegar no traveseiro.
As laranxas do CD Burela FS non cedían no festival de goles, e nos primeiros minutos da segunda parte anotaron ata tres . Primeiro, Irene Samper cun disparo cruzado, despois Emilly Marcondes, cazando un balón na área e o terceiro con outra vez Irene Samper que sumaba catro goles á súa conta. O Sala Zaragoza recortaría distancias por mediación de Jaimes.
Festival goleador do Burela que chegou á ducia de tantos
Ao partido aínda quedarían goles, pois Dasha anotaría tras un bo disparo con asistencia de Peque, e Mirian recortaría outra vez distancias desde un gol dese o seu campo. Ao partido quedaría un gol en propia de Bravo que poñería o final cunha vitoria contuntende das futbolistas que adestra Julio Delgado .
FICHA TÉCNICA
12) PESCADOS RUBÉN BURELA: Jozi, Irene Samper, Emilly Marconces, Dany e Peque – quinteto inicial -. Tamén xogaron: Masha, Jenny, Cilene Dasha, Patricia, Antía Pérez e Evelina (p.s.).
2) SALA ZARAGOZA: Vero, Moreno, Boix , Giba e Mirian – quinteto inicial -. Tamén xogaron: Illescas, Jaimes, bravo e Zahra.
GOLES: Min 3 Irene Samper 1-0; Min 8 Patricia 2-0; Min 10 Irene Samper 3-0; Min 11 Emilly Emilly ;Marcondes 4-0; Min 15 Jenny 5-0; Min 16 Dasha 6-0; Min 18 Cilene 7-0; Min 21 Irene Samper 8-0; Min 22 Emilly ;Marcondes 9-0; Min 24 Irene Samper 10-0; Min 28 Jaimes 10-1. Min 34 Dasha 11-1; Min 34 Mirian 11-2. Min 39 Bravo 12-2.
EQUIPO ARBITRAL: Coello Martínez Darriba Villamor – de Luis Iglesia, i. De Luis Iglesia, a
INCIDENCIAS: Partido correspondente á 2ª xornada da á Primeira División da RFEF de Fútbol Sala Femenino disputado no pavillón Vista Alegre.
