A celebración da Copa da Raíña estendeuse á liga. O Pescados Rubén Burela FS vencía ao Viaxes Amarelle FSF por goleada 7-1 diante do seu público, en Vista Alegre, o día no que as Guerreiras Laranxas ofrecían o trofeo do torneo do ko á súa afección.
Dominio inicial do xogo do Pescados Rubén Burela FS diante un Viaxes Amarelle FSF ben replegado e que en ocasións optaba por subir a presión a metade de cancha.
O primeiro tanto se demorou ata o minuto 8, obra de Patricia rebañando desde o chan un balón repelido en curto por Leti Rojo a disparo exterior de Irene Samper. O conxunto lucense do Pescados Rubén Burela FS acrecentaba o seu dominio sobre a cancha.
Aos trece minutos de xogo, Antía Pérez aproveitaba un perfecto balón ao oco de Peque tras unha boa circulación ofensiva lucense para ampliar a renda local. Aos quince de partido, Lau Doce anotaba en propia meta no seu intento de despexar un disparo de Patricia. A mala sorte sumábase á superioridade das Guerreiras Laranxas na pista.
Xa no tramo final do período, Antía Pérez de cabeza á saída dun saque de banda de Jenny e Dany nunha rápida contra en xogada persoal superaba a Leti Rojo que quedaba a media saída, para deixar ao receso un cómodo 5 a 0.
O Burela chego a poñerse 7-0 arriba
Ao pouco da continuación, a portuguesa Jenny finalizaba en boca de gol un túa miña espectacular con Dany para subir o sexto gol lucense e pouco máis tarde, a xaponesa Saki nun envío en longo de disparo cruzado anotaba o sétimo.
Julio Delgado optaba por dar minutos a xogadoras menos habituais do conxunto laranxa do Pescados Rubén Burela FS, que acabaron por igualar o partido. O tanto da honra facíao Tety a catro minutos do final para un Viaxes Amarelle FSF que adestra Jorge Basanta e que tentaba maquillar o resultado, pero sen ser quen de pór en perigo a vitoria local que foi por 7-1.
FICHA TÉCNICA
7) PESCADOS RUBÉN BURELA FS: Caridad, Irene Samper, Dany, Jenny e Peque – quinteto inicial -. Tamén xogaron: Antía, Saki, Patricia, Claudia, Dasha, Masha, Sonya e Ester (segunda porteira).
1) VIAXES AMARELLE FSF: Leti Rojo; Clàudia Lobo, Cirso Lourés, Eli e Cárol – quinteto inicial -. Tamén xogaron: Tety, Estela, Lau Doce, Laura Rivas, Carla e Marta Hermo.
GOLES: 1-0, min. 8 Patricia. 2-0, min. 13 Antía. 3-0, min. 15 Lau Doce (propia puerta). 4-0, min. 19 Antía. 5-0, min. 20 Dany. 6-0, min. 22 Jenny. 7-0, min. 23 Saki. 7-1, min. 36 Tety
EQUIPO ARBITRAL: Colexiados, López López e Menéndez Nistal. Recibieron cartón amarelo Lau Doce, Estelita e Jorge Basanta por parte do Viaxes Amarelle.
INCIDENCIAS: Partido da xornada 27ª da Primera División do futsalfem da RFEF disputado no pavillón de Vista Alegre en Burela.
