No pavillón de Vista Alegre tivo lugar un derbi galego esperado no futsalfem. Víanse as caras o Pescados Rubén Burela mailo ENCE Marín Futsal. O resultado foi rotundo a favor das locais (5-0).
Ademais da maxia dun bonito derbi galego, produciuse a volta á cancha da Mariña de tres antigas xogadoras o club local, e un entrañable encontro de cinco campioas de Europa coa Selección Española de futsal: Peque, Irene Samper, Dany, Ale de Paz, Silvia Aguete e Antía Pérez.
No deportivo, desta volta foi moi superior o Burela FS durante todo o encontro. O resultado final foi un folgado: 5-0. Ese tanteo dá conta do vivido na cancha da Mariña.
O Pescados Rubén Burela FS demostraron unha vez máis a súa compenetración e dominio en calquera situación e contexto, a pesar do perigoso parón do que proviñan tras as convocatorias tanto da Selección Española como da brasileira, ás que asistiron case todo o conxunto laranxa.
Neste partido tamén debutaba Saki en Vista Alegre deixando aos aficionados abraiados e ao adestrador moi contento coa nova incorporación, que se está adaptando moi rápido e á perfección ao equipo.
Na primeira parte o Pescados Rubén Burela FS mostrouse moi superior durante todo o xogo. No minuto 5 Peque encaixa o primeiro gol tras un fallo de defensa do ENCE Marín Futsal e no 6 Dany pon o 2-0 cun gol tras unha boa asistencia de Saki dentro da área rival.
Tras unha boísima oportunidade de Cilene cun tiro ao pau chega o 3-0 cun gol de Jenny dun potentísimo disparo desde os 10 metros.
As Guerreiras Laranxas continuaron presionando ata o final do primeiro tempo tendo apenas unha oportunidade o ENCE Marín Futsal, no minuto 16, que para Caridad.
Na segunda parte o ENCE Marín Futsal consegue cometer menos erros na defensa, mantendo o resultado ata máis da metade do segundo tempo e atacando con porteira – xogadora durante os últimos 12 minutos de xogo, sen conseguir encaixar ningún balón na portería de Caridad, que no último minuto será de Ester, que, sendo dos equipos da base das ED Cabreiroá Burela FS, puido probar a experiencia de xogar en Primera Federación no encontro desta xornada.
Presionando o ENCE Marín Futsal con porteira-xogadora desde o minuto 28, no 34 Peque aproveita para meter o 4-0 a porta baleira desde o propio campo do Pescados Rubén Burela FS. Finalmente no 39 Jenny volve encaixar o último gol do encontro, o 5-0.
Julio Delgado: “Foi un partido moi serio desde o primeiro minuto”
Cun Julio Delgado moi orgulloso das súas xogadoras, aínda que non dubidaba de que o equipo ía responder ben, “sempre é unha incógnita” tendo en conta a situación na que estiveron máis da metade do equipo, tanto tempo sen poder adestrar na casa e xogando a un alto rendemento durante dúas semanas coas seleccións nacionais española e brasileira.
“Foi un partido moi serio desde o primeiro minuto ata o último”, “cada vez que fan un partido así, tan serio, hai que felicitalas e darlles unha matrícula de honra, polo comportamento que tiveron, polo xogo e o fútbol sala que despregaron e polo resultado, outra vez cinco goles e a portería a cero”, explicaba o adestrador do Pescados Rubén Burela FS.
FICHA TÉCNICA
5) PESCADOS RUBÉN BURELA FS: Caridad (P), Dany, Cilene, Jenny, Emilly – cinco inicial- Peque, Patricia, Antía, Irene Samper y Jozi (P).
0) ENCE MARÍN FUTSAL: Silvia Aguete (P), Marta Estévez, Adriana García, María Leon, Ale de Paz, Paula García, Jessica Moreno, Cecilia Puga, Bea Mateos, Lara Balseiro, Inés Mayán, Lucía Paz (P)
GOLES: Min.5 Peque 1-0, min.6 Dany 2-0; min.10 Jenny 3-0; min.34 Peque 4-0; min.39 Jenny 5-0.
EQUIPO ARBITRAL: Roberto Segundo Amor Vizoso, Borja Darriba Villamor, María López López, Adrián García López.
INCIDENCIAS: Partido correspondente á 22ª xornada da Primera División FutSalFem da RFEF disputado no pavillón de Vista Alegre. Derbi galego entre o equipo de Burela e o de Marín.
