Esta fin de semana, máis concretamente o domingo (9 de febreiro, ás 11.30 de horas) temos a partido de volta do duelo galego na Primeira División de voleibol entre o Aceites Abril e o CV Bruxas. As ourensás, agora mesmo, atópanse no seu mellor momento, son cuartas con 27 puntos.
As de Bertamiráns, sen embargo, están máis abaixo na táboa. Son décimas pero veñen de gañar na casa ante o Universidad de Valladolid. Para esta gran cita no voleibol galego quixemos descolgar o teléfono e falar — a redacción de As Nosas— coa capitana do equipo da cidade das burgas, Gladys Giraldez, e contáranos as súas percepcións sobre o encontro de ida, no que gañaron no concello de Ames por un 1 a 3 e esta nova data o domingo.
– As Nosas: Vides de gañar ante o Extremadura. Como está o vestiario cara esta gran cita galega na Primeira División de Voleibol?
Gladys Giraldez: Eu creo que estamos todas bastantes motivadas. Xogar un derbi sempre fainos ver o partido desde un punto de vista moio máis competitivo. Facia tempo que non xogábamos contra o outro equipo de Galicia e a verdade é que collemos este partido con gañas e motivacións.
– As Nosas: Para o duelo, contades con algunha baixa no plantel?
Gladys Giraldez: Para este encontro non temos ningunha baixa. A excepción de Rebeca Kruse que deixou de xogar fai alguns partidos debido a que foi nai. Pero do resto, estaremos todas. Ata veñen dúas xogadoras que viven en Madrid, Miriam e Lucía, que non soen desprazarse a todos os encontros.
Gladys Giraldez (Aceites Abril): “Queremos acadar os tres puntos en Bruxas”
– As Nosas: O Bruxas é o decimo na clasificación da Primeira División e veñen de gañar en casa ante o Universidad de Valladolid. É un rival forte?
Gladys Giraldez: Cando fomos a Bertamiráns collemos o partido con un pouco de medo xa que ibar a par que nós na clasificación. Ao estar un pouco máis alonxadas na táboa a non temos ese temor e contamos con gañar por un 3 a 0. Ou no peor dos casos 3 a 1. Pero esperemos que todo saía ben.
– As Nosas: No encontro de ida en Bertamiráns o electrónico contabilizou un 1 a 3 ao voso favor. Que temedes do rival?
Gladys Giraldez: O que tememos deste equipo é que loitan todas as pelotas ata o final. Non se renden ata que cae o balón ao suelo. Son deste equipos que te acaban sacando un pouco de quicio. Pero con todo iso, contamos con acadar o noso obxectivo, que como xa dixen anteriormente, é levarnos os tres puntos gañando por un 3 a 0 ou un 3 a 1.
– As Nosas: Sodes cuartas na clasificación xeral da Primeira División. Cal dirías que é a peza clave deste equipo?
Gladys Giraldez: Sen dúbida algunha, a peza clave é que levamos tanto tempo xogando xuntas que aínda que non adestremos todo o grupo completo, conseguimos que no campo non se note e que se vexa un equipo moi ben formado. Obviamente temos os nosos altibaixos, pero non nos podemos queixar para pouco tempo que pasamos xuntas.
– As Nosas: Cal é o obxectivo que ten na mente o Aceites Abril na Primeira División de voleibol?
Gladys Giraldez: Desde o inicio de tempara, e sabendo as baixas que tíñamos e íamos a ter, o noxo obxetivo era quedar da metade da clasificación cara arriba. De momento o estamos a cumprir e se conseguimos un cuarto posto estaría moi ben. Os tres primeiros equipos lévanos bastantes puntos pero intentaremos recortarlos ao máximo.
