A maior regularidade da Sociedade Gimnástica de Pontevedra puxo fin a catro anos de triunfos do Atletismo Feminino Celta que tivo que conformarse coa prata nesta Copa de Galicia de Clubs en Pista Cuberta. So dous puntos separaron a estos clubs que deron emoción á recta final da competición alternándose na clasificación constantemente. Na máster vencía Samertolameu so con catro puntos de vantaxe sobre o C.A.Sada.
A cidade de Ourense acollía esta fin de semana a Copa de Galicia de Clubs en Pista Cuberta. A competición celebrouse para as categorías absoluta e máster feminina e masculina. Así, no recinto de ExpoOurense, víronse as caras e mediron forzas os mellores equipos galegos. O resultado foi de triunfo na absoluta feminina para a Gimnástica de Pontevedra, mentres que na máster o triunfo foi para as atletas de Samertolameu.
A Sociedade Gimnástica conseguía a victoria en categoría absoluta non só feminina, senon tamén masculina. Foi na xornada do sábado cando a entidade pontevedresa fixo dobrete.
O triunfo estivo moi disputado entre as atletas femininas xa que na recta final da xornada vivíronse momentos de moita emoción e intensidade. A clasificación ía alternando postos ata que o triunfo final foi para a Gimnástica que so puido superar ao Atletismo Feminino Celta en dous puntos.
Deste xeito as de Pontevedra desbancan ás celestes dun primeiro lugar no poido que as de Vigo viñan ocupando nos últimos catro anos.
Proporcionalmente o Atletismo Feminino Celta conseguían máis triunfos que as do Lérez ao impoñerse nos 200 m., 800 m., pértega e peso, por tan só as probas do 1500 m. e relevos das pontevedresas, malia que a regularidade das últimas outorgaríalles o título.
Xunto aos dous clubs, o RIA Ferrol ocuparía a terceira posición a trece puntos das gañadoras e a once das celestes.
Samertolameu gaña por terceiro ano consecutivo a Copa Máster feminina
E se emocionante resultou a Copa de Clubs absoluta, non o foi a competición copeira na categoría máster que se disputou na mañá de hoxe, domingo. A cita incorporaba por vez primeira as probas de pértega e triplo salto como informábamos desde As Nosas na previa da cita.
O triunfo final en feminino foi para Samertolameu que suma así o seu terceiro ouro consecutivo. As gañadoras acadaron unha vantaxe de catro puntos coas segundas, o Club Atletismo Sada. O terceiro lugar do podio foi para a Atlética A Silva a dezasete puntos do club gañador.
Hai que salientar que foi unha competición que trouxo malas novas en forma de lesións para as sadenses. O infortunio e as lesións ceváronse sobre varias das súas atletas minguando de maneira importante as súas aspiracións. Narón con vintesete puntos e CAI a Estrada con vintecindo (terceiras na edición pasada) completarían o total de equipos participantes que ascendían a cinco.
En masculino o triunfo foi para o Atletismo Santiago seguido do Marineda Atlético. O Samertolameu ocupou o terceiro lugar estando desta maneira representado nos dous podios, masculino e feminino.
XVI COPA DE GALICIA DE CLUBES EN PISTA CUBERTA
CLASIFICACIÓN CATEGORÍA ABSOLUTA FEMININA:
- Sociedad Gimnástica de Pontevedra (82 puntos).
- Atletismo Femenino Celta (80 p.)
- Ría Ferrol (69 p.).
- ADAS Proinor (57 p.)
- LUCUS C.R.G. (50 p.).
- Atletismo Narón (49 p.)
- Atlética Lucense (41 p.)
- A.Sada (38 p.)
CLASIFICACIÓN CATEGORÍA ABSOLUTA MASCULINA:
- Sociedad Gimnástica de Pontevedra (90 puntos)
- Real Club Celta (73 p.)
- Club Atletismo Santiago (69 p.)
- Narón (69 p.)
- LUCUS C.R.G. (52 p.)
- Atlética Lucense (48,5 p.).
- Atletismo Sada (34 p.)
- Ourense Atletismo (28, 5 p.)
Consulta el acta por sesión de categoría absoluta
III COPA DE GALICIA DE CLUBES MASTER
CLASIFICACIÓN CATEGORÍA MÁSTER FEMININA:
- Samertolameu (57 puntos)
- A.Sada (53 p.).
- Atlética A Silva (30 p.)
- Atletismo Narón (27 p.).
- CAI A Estrada (21 p.)
CLASIFICACIÓN CATEGORÍA MÁSTER MASCULINA:
- Club Atletismo Santiago (79 puntos)
- Marineda At. (71 p.)
- Samertolameu (65 p.)
- Ourense At. (62 p.)
- A Silva (57 p.)
- A. Sada (52 p.)
- Narón (52 p.)
- CAI A Estrada (25 p.)
