O atletismo galego está de celebración. A galega Leticia Gil foi unha das protagonistas da xornada do sábado do Campionato de España de atletismo ao aire libre, facéndose co ouro en salto de lonxitude.
“Esta marca é para min o premio a todos os anos que levo adestrando, é un gran premio que non mo esperaba. É o premio a un ano moi duro e a todos os malos momentos que pasei durante bastantes anos con lesións e outras cousas que nos pasan”, declaraba unha emocionada Gil tras a competición.
A oitava clasificada antes do torneo comezou con varias tentativas moi acertadas, ata que á sexta deu a sorpresa. A atleta dinamitou a proba cunha marca de 6.69, con vento case nulo. Unha marca que é resulta na mellor persoal de Gil, e a quinta en toda a historia do atletismo español.
Definición de Volar:
Dícese de saltar como @Letii_le lo ha hecho en Getafe ✈️
¡QUINTA MEJOR 🇪🇸 DE LA HISTORIA
¡6.69! #CEatletismo pic.twitter.com/yEfuWXauNN
— atletismoRFEA (@atletismoRFEA) June 26, 2021
Coa súa marca, a deportista do Playas de Castellón, quedou como a primeira clasificada, moi preto de Fatima Diame, que se fixo coa prata a 0.01 de distancia da campioa. Na terceira posición quedou Tessy Ebosele, cun 6.61.
Despois desta espectacular competición en lonxitude, a galega só intenta crerse o que foi capaz de acadar: “As miñas espectativas son crerme o salto que fixen, asimilalo e logo xa veremos. Tiña pensado seguir competindo ata mediados de xullo, para non rematar tan pronto, e estaba inscrita no Meeting de Plasencia, así que despois disto non sei como afrontar as competicións”, confesou.
“Es el premio al trabajo duro y a todos los malos momentos que he pasado durante años. Después de esto no sé muy bien cómo afrontar las competiciones”.
Los 6️⃣.6️⃣9️⃣ de @Letii_le, una de las maravillas de este #CEatletismo pic.twitter.com/CwNsTadCoc
— atletismoRFEA (@atletismoRFEA) June 26, 2021
A atleta recibiu a felicitación doutras grandes protagonistas do atletismo galego, como Ana Peleteiro, quen compartiu no seu perfil de Twitter a marca de Gil baixo a frase “sen palabras”.
Sin palabras 😶😳 🥳🎉🎉@atletismoRFEA pic.twitter.com/WZxFTAi395
— ANA PELETEIRO BRIÓN (@apeleteirob) June 26, 2021
Leticia Gil deu un dos maiores espectáculos da xornada, xunto á tamén galega Belén Toimil, quen se fixo co ouro cun récord de España en lanzamentos ao aire libre.
Belén Toimil bate o récord do lanzamento en aire libre e faise co ouro
