De antemán, sabíamos que era un partido calificado de importante. Esta vez o factor cancha non se fixo eco e o Durán Maquinaria Ensino non puido impoñerse a un dos grandes da Liga Feminina no Pazo Provincial. O Lointek Gernika impúxose ao conxunto lucense por un 47 a 72. O rei da pintura para aumentar a diferenza no electrónico centrouse na liña de 6,75 metros con 6 endosados dos 9 triplos que tiraron.
As visitantes foron superiores desde o asubío inicial. Desde o ataque e sobre todo na defensa, sen deixar case anotar as da cidade amurallada dominaron o primeiro cuarto para finalizar cun 16 a 22. A primeira pedra xa a tiñan colocada para facerse coa vitoria.
Nos seguintes dez minutos, o adestrador do Ensino, Carlos Cantero, pedía un tempo morto para reconducir as súas xogadoras. Stanacev intentaba reenganchar desde o triplo. Pero todo pareceu unha quimera. Rápidamente o Gernika logrou distanciarse no marcador para concluír cun 6 a 14. Ao tempo de lecer o electrónico marcaba un 22 a 36.
O descanso non reviviu ao Ensino
No transcurso dos seguintes vinte minutos as tornas non cambiaron. O equipo visitante ampliou de novo a diferenza no marcador. Aínda que o Ensino tivo cinco puntos consecutivos saídos dunha canasta de Richards e un triple de Laura Aliaga que pospoñería a vitoria vasca ao cuarto tempo. Dez minutos que elevarían a vantaxe aos trinta puntos e que finalmente remataría cun 47 a 72 no electrónico final.
A Liga Feminina terá un pequeno descanso por unha cita moi importante. A cidade de Salamanca acollerá a Copa da Raíña que estará presenciada pola raíña Leticia. O Ensino terá unha oportunidade de desquite ante o Perfumerías Avenida. Será o seu primeiro rival nesta senda ata o título.
En canto a competición nacional, volverá o fin de semana do 14 e o 15 de marzo. As lucenses viaxarán ata Cáceres para enfrontarse ao Nissan Al-Qázeres Extremadura. De momento na clasificación xeral permanecen na sétima posición con dúas derrotas consecutivas e empatadas a puntos co Cadi La Seu —sexto— e o Ciudad de La Laguna Tenerife, que está por debaixo das galegas.
FICHA TÉCNICA
DURÁN MAQUINARIA ENSINO: Kalis Loyd, Aleksandra Stanacev, Atonye Nyingifa, Britany Miller, Bea Sánchez —quinteto inicial—, Brittany Dinkins, Ainhoa López, Laura Aliaga, Shereesha Richards e Fiona O’Dwyer.
LOINTEK GERNIKA BIZKAIA: Julie Wojta, Gabriela Ocete, Blake Dietrick, Nikolina Milic, Margaret Roundtree —quinteto inicial—, Nogaye Lo, Naiara Diez, Maria Belén Arrojo, Juana Molina-Prados e Itziar Ariztimuño.
PARCIAIS: 16-22/ 6-14 (22-36, ao descanso)/ 15-21/ 10-15 (47-72, electrónico final)
ÁRBITROS: Pol Franquesa Vázquez, Fabio Fernández Esteban e María Ángeles García Crespo.
INCIDENCIAS: Partido correspondente a xornada 22 da Liga Endesa de baloncesto feminino no que enfrontou ao Durán Maquinaria Ensino e o Lointek Gernika Bizkaia no Pazo Provincial dos Deportes.
