- A ciclista de Miño, María Filgueiras, vén de recibir a chamada de Gema Pascual para formar parte dunha concentración da Selección Española junior de ciclismo.
- Oito corredoras máis estarán neses adestramentos dos que sairá a lista de deportistas que representará a España na Copa das Nacións.
O combinado estatal español junior de ciclismo, dirixido pola seleccionadora Gema Pascual, estará na localidade madrileña de Torrejón de Ardoz entre o 17 e o 19 de febreiro para determinar o núcleo de corredoras que participará na Copa das Nacións do próximo mes, segundo informa a RFEC.
A Selección Española de ciclismo en estrada en categoría junior feminina, liderada pola seleccionadora Gema Pascual, estará concentrada a próxima fin de semana no municipio madrileño de Torrejón de Ardoz para terminar de configurar a listaxe de ciclistas que formarán parte do equipo nacional nas próximas competicións relativas á Copa das Nacións da UCI.
As 9 ciclistas citadas por Gema Pascual
As convocadas para esta cita son as deportistas Andrea Grañana, Daniela Grañana, Claudia Pérez Jover, Irene del Puerto, María Filgueiras, María Magdalena Deya, Raquel Erdociain, Tania Silvente e Esmeralda Racionero.
Entre o 17 e o 19 de febreiro, o novo grupo de traballo conformado polas nove ciclistas mencionadas anteriormente, entre as que está a galega María Filgueiras, rodará polos arredores do Corredor do Henares. Nesa contorna as deportistas deberán lidiar con diferentes tipos de terreo para establecer un primeiro punto de contacto coas corredoras e avaliar o seu estado de forma actual.
“Ademais, estes tres días permitirán ao equipo técnico emprender a preparación para as competicións internacionais que comezan a partir do próximo mes de marzo co Piccolo Trofeo Alfredo Binda – Valli do Verbano en Italia. Deste xeito, esta concentración sentará as bases para a planificación do resto de compromisos do ano”, informa a Federación Española de Ciclismo.
