A praia de Gandarío acolleu hoxe, sábado 1 de maio, a xornada inaugural da liga Galega de Augas Abertas, que organiza a Federación de Salvamento de Galicia.
Esta mañá, de 9:00 a 13:30 horas, celebrouse a primeira sesión da competición, na que participaron as categorías superiores (xuvenil, xuño, absoluto e máster). Pola tarde, de 16:00 a 19:30 horas, será a quenda das categorías inferiores (cadete, infantil e alevín).
Once clubs acudiron á praia de Gandarío en Bergondo
Nesta cita de sábado teñen participado un total de 388 socorristas de 11 clubs de toda a comunidade autónoma, cun número moi parello de competidores mulleres, 197 e homes, 191.
Entre as probas que se disputan nesta Liga Galega de Salvamento e Socorrismo están bandeiras, carreira con táboa de salvamento e carreira con ski de salvamento.
Os clubs participantes nesta xornada primeira da Liga Galega de Augas Abertas que tivo lugar en Gandarío (Concello de Bergondo) on os seguintes:
- Club Acuático Umia
- Club Salvamento Vilagarcía
- Club Salvamento Sada – SASA
- Club Salvamento e Socorrismo Carballo – SYSCA
- Club Salvamento Acuático PONTEVEDRA – SAPO
- CSA Laracha – SAL
- Club Natación Cerceda
- Club Salvamento Arteixo – SALVAR
- Club Natación e Salvamento A Estrada
- Club Salvamento Vilagarcía
- Virgentis Salvamento Bergantiños – VIRSAL
