A Liga Galega de Augas Abertas da comezo esta fin de semana. Este sábado, 1 de maio, a praia de Gandarío do Concello de Bergondo acolle a primeira xornada da competición organizada pola Federación de Salvamento e Socorrismo de Galicia, iniciando a tempada de salvamento deportivo na comunidade.
Debido ao alto número de participantes e para garantir a seguridade sanitaria, as probas (bandeiras, carreira con táboa e carreira con ski) realizaranse en dúas quendas. A primeira será pola mañá, entre as 09:00 e as 13:30 horas, e nela participarán as categorías superiores (xuvenil, junio, absoluto e máster). Pola tarde terá lugar a segunda, de 16:00 a 19:30 horas, co turno das categorías inferiores (cadete, infantil e alevín).
Os participantes da Liga Galega de Augas Abertas
En total, participarán 388 socorristas dun total de once clubs de toda Galicia, cunha participación parella entre homes e mulleres (191 dos primeiros e 197 das segundas).
Estes son os clubs participantes na proba da Liga Galega de Augas Abertas:
- Club Acuático Umia
- CS Vilagarcía
- CS Sada – SASA
- Club Salvamento e Socorrismo Carballo – SYSCA
- CS Acuático PONTEVEDRA – SAPO
- CSA Laracha – SAL
- CN Cerceda
- CS Arteixo – SALVAR
- CN e Salvamento A Estrada
- CS Vilagarcía
- Virgentis Salvamento Bergantiños – VIRSAL
