• GamHer é unha iniciativa virtual do fútbol feminino, da man da Primeira Iberdrola, que recadará fondos para a doazón de material de protección ao persoal sanitario, a través da ONG Médicos do Mundo
• O torneo, que se inicia mañá, 29 de abril, co sorteo das participantes, prolongarase ata o próximo 8 de maio, cando se dispute a final entre a selección española e outra internacional
• A galega Teresa Portela será unha das deportistas de elite, embaixadoras de Iberdrola, que apoiarán e acompañarán ás futbolistas no xogo 
A RFEF e Iberdrola lanzaron o reto benéfico GamHer, un torneo de fútbol online FIFA20 que contará coa participación das xogadoras de clubs de Liga Iberdrola sumando así ao fútbol feminino na loita contra o COVID-19.
A iniciativa benéfica, que dará comezo mañá, día 29 de abril, co sorteo dos partidos, ten un dobre obxectivo: achegar maior visibilidade ao fútbol feminino, así como colaborar en facer fronte á pandemia do coronavirus, xa que os fondos recadados irán dirixidos á ONG Médicos do Mundo. O total recadado destinarase ao establecemento de sistemas de prevención, control e mitigación do contaxio nos hospitais entre o persoal sanitario e pacientes, e incluíndo tanto materiais de protección como a instalación de circuítos seguros en cada área hospitalaria.
Dúas fases: nacional e internacional
O torneo consta dunha fase nacional e unha final internacional. Na primeira delas, seleccionarase á xogadora que representará a España no evento internacional, no que se disputará un partido entre a selección española e outra estranxeira. O campionato, que será narrado polo xornalista deportivo Rubén Martín e contará con algún dos youtubers máis coñecidos, como Dj Mariio, poderase seguir a través das canles dixitais oficiais da Real Federación Española de Fútbol (Canle de Twitch e Canle de Youtube).
Final prevista para o 3 de maio
Os cuartos de final e semifinais terán lugar o día 1 de maio a partir das 18.00 horas e a final nacional está prevista para o día 3 de maio á mesma hora. A partir dese momento, comezará a fase internacional, coa final que enfrontará ás dúas seleccións -a española e a estranxeira- a través das súas xogadoras representantes, o 8 de maio.
Presenza galega entre as embaixadoras
Neste torneo, ademais das xogadoras de prestixio da Liga Iberdrola, tamén participarán as embaixadoras do deporte de Iberdrola, que amadrinarán ás xogadoras, apoiándoas e acompañándoas no xogo. Entre estas deportistas de elite atópase a galega e gañadora de 15 medallas no Campionato Mundial de Piragüismo, Teresa Portela. Tamén estarán Sandra Sánchez, María Vicente, Loida Zabala y muchas más.
GamHer nace co propósito de seguir dando visibilidade ao fútbol feminino e a Liga Iberdrola, así como fomentar o entretemento, explorando novos territorios como o eFútbol.
Durante o campionato, Iberdrola, que é o socio patrocinador principal da Selección Nacional Absoluta Feminina; da Primeira Iberdrola; da Copa de S.M. A Raíña e das Seleccións Sub-19 e Sub-17, realizará unhas doazóns vinculadas ao desenvolvemento do torneo solidario:
● Premio partido final do torneo: 50.000€
● Ademais, 500€ por cada gol marcado durante os primeiros partidos
● 1.000€ por gol nos dous partidos finais, fase nacional e internacional
Así mesmo, ao longo do evento incentivaranse as doazóns de particulares, empresas e público xeral que se queiran unir á causa de Médicos do Mundo, que se poderán realizar a través da plataforma WORLDCOO nesta ligazón.
