Primeira proba e primeiro triunfo da Selección de Galicia no Campionato de España de Ciclocrós. A competición arrincaba hoxe, venres 7 de xaneiro cunha emocionantísima proba de Team Relay. Galicia fíxose coa medalla de ouro tras un precioso duelo na volta final co combinado asturiano. O sexteto gañador estivo conformado por: Tomás Pombo, Ricardo Buba, Miguel Rodríguez, Samuel González, Irene Trabazo e Andrés Calvete.
#CECXXativa22 | 📸 ¡Enhorabuena a la @F_Gal_Ciclismo por este gran triunfo en la prueba Team Relay!
➡️ Miguel Rodríguez, Irene Trabazo, Samuel González,Ricardo Martín, Tomás Pombo y Andrés Calvante son los 6 ciclistas que se colocaran los primeros maillots de campeones de España pic.twitter.com/dq13GGL34I
— Real Federación Española de Ciclismo (@RFECiclismo) January 7, 2022
A igualdade foi máxima entre os equipos autonómicos participantes, pois en escasos 40 segundos concluíron as cinco primeiras escuadras, segundo informa a Federación Española de Ciclismo. Un inicio espectacular para este nacional de ciclocrós de Xátiva que se está desenvolvendo sobre o circuíto instalado no Poliesportiu Municipal “Lles Pereres”.
A estratexia deseñada polo seleccionador Alberto del Río funcionou dende o principio, contan desde a Federación Galega de Ciclimo. Galicia abriu a carreira co elite vigués Samuel González, que rematou a primeira volta en segunda posición, por detrás do representante de Aragón. A remuda colleuna o cadete carballés Tomás Pombo, que de inmediato se situou no primeiro posto e mantívose á fronte da proba ata que no treito final da súa quenda o adiantou o máster valenciano Dany Díaz. A diferenza era mínima e o máster cambrés Andrés Calvete recuperou o mando no terceiro xiro ao trazado de Xàtiva.
A Selección Galega que defendía o título, e quería conservar a coroa, chegou en cabeza ao ecuador da proba e a responsabilidade da cuarta volta asumiuna Irene Trabazo. A elite marinense, a primeira das mulleres que compareceu no circuíto entre os conxuntos que loitaban pola vitoria, mantivo intactas as opcións de triunfo do seu equipo e acabou terceira a súa posta, por detrás de Asturias e da Comunitat Valenciana. Os menos de 20 segundos que cedía Galicia anulounos o júnior gondomareño Ricardo Buba, que lle deu paso a Miguel Rodríguez case á par do combinado asturiano.
O cara a cara pola vitoria decantouse na primeira metade da última volta. O sub23 ponteareán contactou co elite asturiano Mario Junquera nada máis arrancar e soltou ao seu acompañante no ecuador do percorrido. Rodríguez afrontou con vantaxe os sectores de area, os de maior dificultade, e tivo tempo a saborear a vitoria nos metros finais. Cruzou a liña de meta cando o reloxo marcaba 35 minutos e 33 segundos. Junquera terminou a 5” e o elite vasco Iñigo Gómez, a 27”.
👑#SelecciondeGalicia #CECXXativa22
📸 Luz Iglesias pic.twitter.com/lkSyS1Cc7k
— F_Galega de Ciclismo (@F_Gal_Ciclismo) January 7, 2022
A proba de Team Relay deu comezo ás 16:00 horas cunha grella de saída composta por nove seleccións:
- Galicia
- Asturias
- País Vasco
- Cantabria
- Comunidade Valenciana
- Cataluña
- Madrid
- Castilla La Mancha
- Aragón
A Selección Galega, ao cabo vencedora, deixou claro desde o mesmo instante en que se deu a saída que partían determinados a facerse coas primeiras camisolas de campións de España deste nacional de Ciclocrós.
Así foi a remuda
O elite Samuel González foi o encargado de realizar a primeira posta para Galicia e de establecer á fronte á súa selección, mentres Cataluña colocábase en segunda posición a uns poucos segundos e Asturias, País Vasco e a selección local, o combinado valenciano, situábanse en posicións intermedias sen ceder unha diferenza significativa.
A Comunidade Valenciana, no terceiro xiro, tomou o mando, pero sen abrir unha vantaxe relevante con respecto a Galicia, Asturias, País Vasco ou Cataluña, que con cada un das súas substitucións conseguían manterse na pugna polas medallas.
A saída de Lucía González na quinta substitución deu o liderado a Asturias por diante da Comunidade Valenciana, que contaba como relevista con Elena Lloret, mentres Galicia comezaba a posta en 3ª posición a uns 20” e País Vasco en 4ª praza a algo menos dun minuto.
Unha boa substitución de Ricardo Martín permitiu comezar o xiro final a Galicia en segunda praza a escasos cinco segundos de Asturias.
O sub23 Miguel Rodríguez, que xa foi campión de España da especialidade como junior, lanzouse á caza de Mario Junquera, que foi o relevista elixido por Asturias para a posta final e ambos protagonizaron un precioso man a man pola medalla de ouro.
Unha forte arrancada de Rodríguez permitiu a Galicia abrir uns poucos metros de vantaxe que Junquera non puido pechar e que terminaron dando o ouro ao combinado galego na liña de meta.
Asturias finalizou en segunda posición a cinco segundos, mentres que o bronce foi finamente para o País Vasco, que concluíu a 27 segundos. En cuarta posición terminou Cantabria, que a pesar de gozar dunha enorme substitución final de Kevin Suárez non puideron facerse cunha praza de podio. O top 5 completouno Cataluña, que se quedou a 41 segundos de Galicia.
Segundo explicaba o élite do combinado de Galicia Samuel González: “A estratexia consistía en saír con moita velocidade, baixar un pouco o ritmo nas postas intermedias e terminar na última substitución co noso home máis forte, que é Miguel, para tratar de facernos co ouro. Tomas Pombo, Ricardo Martín, Irene Trabazo e Andrés Calvete fixeron unhas voltas moi boas e iso unido ao traballo realizado por Miguel Rodríguez e polo meu fíxonos facernos cunha vitoria que nos deixa moi bo sabor de boca”,
Miguel Rodríguez, ciclista da Selección Galega: “Esta vitoria queremos dedicarlla a Guillermo Sande, que estivo connosco nas dúas edicións anteriores nas que gañamos e cremos que este ouro é a mellor forma de honrar a súa memoria”
Miguel Rodríguez, que deu o ouro á súa selección grazas a un brillante xiro final, comentou que “Junquera iniciou moi rápido a última volta, pero puiden pegarme á súa roda e cando vin a oportunidade ataquei de lonxe e conseguín abrir uns metros que nos deron o triunfo. Esta vitoria queremos dedicarlla a Guillermo Sande, que estivo connosco nas dúas edicións anteriores nas que gañamos e cremos que este ouro é a mellor forma de honrar a súa memoria”.
#CECXXativa22 | 📸 Ya suben al podio las tres selecciones autonómicas medallistas en la prueba de Team Relay
🥇 Galicia
🥈 Asturias
🥉 País Vasco¡Bonito pancarta de Galicia en recuerdo de Guillermo Sande! ❤ pic.twitter.com/ubCgN1knjP
— Real Federación Española de Ciclismo (@RFECiclismo) January 7, 2022
Ollo ao quinteto de cadetes galegas
A loita polos títulos de cada categoría comeza na mañá do sábado 8 de xaneiro cos grupos de idade máster masculinos. Andrés Calvete, que a partir das 10:45 horas entrará en acción na carreira máster-40, será o único corredor da Selección de Galicia que tome parte nesta sesión.
Pola tarde chegará a quenda, ás 15:00 h., das mulleres máster e xunto a elas comparecerán as cadetes, categoría para a que o combinado autonómico seleccionou a cinco rapazas: María Filgueiras, Aroa Otero, Lorena Patiño, Iris Fernández e Marta Estévez.
O programa do sábado pecharase cos cadetes masculinos (15:50 h.), unha carreira na que defenderán as cores da Federación Ciclismo Galego (FCG) sete rapaces: Tomás Pombo, Martín Díaz, Xoel Cidrás, Manuel Alonso, Mauro Vega, Santiago Otero e Gael García. O domingo concluirá o Campionato coas categorías juniors, sub23 e elites.
Sigue en liña a participación de Galicia no Campionato de España de CX
Mañá haberá streaming a partir das 15:00 horas A organización do campionato nacional, que corre a cargo do Club Ciclista Bicicletas Sanchis, proporcionará a través da produtora AM Son streaming en directo as probas de mañá, 8 de xaneiro sábado, pola tarde.
As persoas afeccionados ao ciclocrós poderán ver a carreira cadete feminina, que comezará ás 15:00 horas, e a competición cadete masculina, que se iniciará ás 15:50 h. As probas que se emitirán en streaming deste Campionato de España de Ciclocrós poderán gozarse a través da canle de Youtube do Ayuntamiento de Xátiva.. Toda a información sobre o Campionato de España Ciclocrós poderedes atopala a través do hashtag #CECXXativa22.
