A localidade granadina de Otívar será o escenario do Campionato de España de BTT-DHI. Será o domingo. Alí vaise desprazar a Federación Galega de Ciclismo cun quinteto de riders coa xuventude como denominador común. Agárdase a presenza dos descenders mellores de España.
A expedición autonómica galega compóñena a júnior Uxía Álvarez (Coruxo), o júnior Senén Bastos (Avanza) e os sub23 Marco Martínez (Corbelo), Víctor Mariño (Xbikes) e Alejandro Paz (Bicis Oliveira). O DHI é unha das modalidades de BTT máis espectaculares.
Conta a Federación Galega de Ciclismo que a última referencia para a Selección son as dúas medallas obtidas no 2019. A nivel individual, o vigués Ángel Suárez (YT Mob) é a principal baza galega na categoría elite.
Despois dos adestramentos oficiais, que están previstos para o sábado, a competición comezará na xornada dominical a partir das 10:00 horas. O arranque será coa quenda clasificatoria para decidir a orde de saída na final, calendarizada para as 12:00 horas.
Un campionato cun trazado cun -18,4% de desnivel medio
Os participantes lanzaranse nunha baixa de 1,5 km de lonxitude, un percorrido técnico cun desnivel medio do -18,4%. Según explican desde a RFEC o trazado une o Carril de La Molineta coa meta situada na Piscina Municipal de Otívar. Un trazado técnico onde as/os bikers deberán dar o cento por cento para optar aos títulos de campioas/campións estatais.
Hai uns días presentábase no concello de Otívar por Francisco Robles Carrascosa, alcalde de Otívar; Manuel Novo Alamino, concellal delegado de Deportes; Virginia Cano Aneas, delegada de Igualdade e Educación; Manuel Rodríguez García, en representación da Real Federación Española de Ciclismo, e Álvaro Pérez Juárez, presidente do C.D. Show Time BMX, organizador da cita.
Explican tamén desde a RFEC que segundo as preinscricións, non faltarán á cita talentosos bikers como Telma Torregrosa, que defende o seu título de campiona conseguido en Teror en 2019, Zoe Zamora, Iraitz Etxebarría, Adrián González, Edgar Peyra, Arnold Kirchmayer, Ignasi Jorbá, Luis Zarco ou o múltiple campeón de España de BMX, Alejandro Alcojor.