A Primera División do futsal feminino español ten 16 equipos. O vindeiro curso seis deles serán galegos. Esta fin de semana confirmouse o ascenso do Castro FSF, e a permanencia do Viaxes Amarelle FSF. Ambos os dous súmanse a ENCE Marín Futsal e Ourense Envialia FS que tiñan xa asegurada a categoría e a Pescados Rubén Burela e Poio Pescamar que están segundo e terceiro respectivamente e loitarán polo título.
Unha fin de semana fantástica a terceira de maio na que Galicia confirma que terá o vindeiro curso 2023-24 media ducida de representantes na máxima categoría do fútbol sala feminino estatal.
O Municipal ardeu! As nosas Guerreiras son de PRIMEIRA!!! Obxectivo ✅
Millóns de grazas familia Vermella!
Millóns de grazas rapazas, técnicos e directiva!O soño é real!#futsal #RFEF #rfgf #futgal #galicia #castro #deportegalego #futbolsala #ascenso pic.twitter.com/0vCwq04GF2
— Cando FSF Castro (@Castrofutsalfem) May 21, 2023
Confirmouse o ascenso do Castro FSF. O equipo lugués recibía ao Nueces de Ronda Atlético Torcal ao que venceron por 3-1 acadando o ascenso. Na cita, o club galego recibiu tamén o trofeo que o acredita como campión de liga. Trofeo que recibiu de mans de Pablo Prieto, vicepresidente da RFGF responsable do fútbol sala.
🏆 As CAMPIOAS do Grupo 1 da 2ª División Feminina da @FutSalRFEF reciben o trofeo de máns de Pablo Prieto.
👏👏 Noraboa @Castrofutsalfem !
💪🏻 Turno para completar a xesta co ASCENSO a 1ª División 🔝
🔥 O Pavillón de Castro Ribeiras de Lea está ARDENDO nun cheo HISTÓRICO 🔥 pic.twitter.com/NNYMTIsBGS
— Futsal RFGF (@FutsalRFGF) May 20, 2023
No caso do Viaxes Amarelle FSF, a permanencia chegoulle hoxe domingo froito dos resultados dos seus rivais. As coruñesas perdían onte sábado no Pabellón Municipal de La Estación ante un grande como o Futsi Atlético Navalcarnero por 3-1. A derrota do Sala Zaragoza 8-6 na cancha do STV Roldán confirmou ás herculinas na categoría un ano máis. Sacáronse así o alcume de equipo ascensor.
