Dende este mércores día 24 de marzo e ata o domingo 28, Sabadell será o escenario do Campionato de España Junior e Absoluto Open. Nel participarán dez clubs en representación de Galicia, cun total de 14 nadadoras nas categorías femininas.
Esta será unha gran oportunidade para as deportistas de Galicia para competir no máis alto nivel. Deste campionato sairá o equipo que participará nos Xogos Olímpicos que se celebrarán este verán e dos Campionatos de Europa de varias categorías.
Dez clubs, 14 nadadoras de Galicia
Entre a representación galega, destaca o CN Ponteareas como club galego con máis participación neste Open. En total, cinco deportistas competirán con este equipo, dous en categoría masculina (Javier Alonso e Pablo Cabana) e tres en femininas. Entre estas estarán Sofía Carballo, en 100 e 200 m. braza, Andrea Domínguez, en 800 m. libre e 1500 m. libre, e Carla Faro, que nadará en 200 m. braza.
Con tres participantes galegas estará o CN Arteixo, polo que competirán Antía Gómez e Paula Otero en junior e Alba Gómez en absoluto. A primeira delas nadará en 100 m. costas e a segunda en 100, 200, 400, 800 e 1500 m. libre. Pola súa parte, Alba o fará en 50, 100, 200, 400 m. libre e 200 m. estilos.
Delas destaca Otero, xa que nesta proba loitará por refrendar as mínimas do Campionato de Europa junior que xa obtivo nadando en diferentes citas coa selección española.
Por outra banda, outros tres equipos acudirán á cita con dous representantes galegas. É o caso do CN Coruña, polo que competirán as nadadoras Claudia González, en 50 m. libres e Rosalía Martínez, en 100 e 200 m. espalda.
Por parte do CN Galaico, estarán Alicia Bouzas, nos 400, 800 e 1500 m. libres, 200 m. espalda e 400 m. estilos e Antía García, competindo en 50 m. libre e na mesma distancia en bolboreta.
Tamén desde o RCN Vigo haberá dous participantes: Miguel Martínez en categoría masculina e Julia Rodríguez en 100 e 200 m. bolboreta e 200 m. estilos na feminina. Outro club con dous representantes, pero só nas probas masculinas é o Club del Mar, con Carlos Souto e Yael Suárez.
E só cunha nadadora estarán outros catro clubs con competidoras de Galicia. Entre eles sobresáe o CN Liceo, co cal acudirá a competir María de Valdés, unha das promesas da natación galega. A nadadora, que ven de ser a mellor española no FINA Marathon Swin World Series de Qatar, competirá en 400, 800, 1500 m. libre e 400 m. estilos.
No CN Arzúa, a representante será Carla Carrón, outro prato forte da competición. Esta galega ven de sumar unha prata e dous bronces no Absoluto e Junior de Inverno de Madrid, competición na que tamén estivo Paula Otero. Nesta competición estará nas probas de 50, 100, 200 e 400 m. libre.
Desde o C. Fluvial de Lugo, Ana Cernadas participará en 50, 200 m. libre e 100 e 200 m. espalda. Por último, representando ao CN Rías Baixas, estará Mario Méndez, competindo en catro probas masculinas.
Consulta nesta ligazón o listado completo de participantes por club.
