Unha ducia de galegas conforman a lista de seleccioadas para representar a Galicia no Campionato de España do CSD de campo a través por Autonomías para as categorías Sub 16 e Sub 18. A cita deportiva está marcada no calendario da Federación Española de Atletismo para o vindeiro 15 de marzo.
Logo das disputas das últimas citas autonómicas e nacionais de campo a través, vense de facer pública a lista de seleccioadas e seleccioados para tomar parte no Campionato de España do CSD de cross. Importantes nomes son os que figuran nesta lista de doce mulleres e doce homes que se daría a coñecer no día de onte, destacando a presenza da atleta Sub 16 Xela Martínez da Atlética Lucense quen se proclamaría campioa de España no nacional desenvolto o pasado fin de semana en Soria.
Xunto á lucense tamén tomarán parte na categoría Sub 18 os atletas do Celta que lograron no mesmo escenario o subcampionato nacional, Pedro Vázquez (subcampión de España o ano pasado na categoría Sub16) Hugo García e Alex Goberna.
Ademáis dos citados, compre salientar a selección de Nicolás López da E.A. Betanzos na Sub16 e de Carla Guisande do Beade na Sub18, como actuáis campións galegos das súas categorías
No tocante a resultados, a selección aspira a colleitar algún podio tanto no individual como no colectivo, clasificación esta última onde o ano pasado quedarían as portas logo de ser cuartos tanto na Sub16 homes como na Sub18 mulleres
Selección Galicia Feminina Sub 18
- Carla Guisande (CSRC Beade)
- Nerea Lage (A.Friol)
- Inés Docampo (ADAS Proinor)
- Lucía Varela (LUCUS CRG)
- Isabel Caeiro (A.Lucense)
- Aldara Fonseca (CSRC Beade)
Selección Galicia Masculina Sub 18
- Pedro Vázquez (R.C.Celta)
- Hugo García (R.C.Celta)
- Carlos López (A Gándara)
- Iker González (A.Lucense)
- Antón Martínez (A.Lucense)
- Alex Goberna (R.C.Celta)
Selección Galicia Feminina Sub 16
- Xela Martínez (A.Lucense)
- Sara Guedes (A. Lucense)
- Marcela Morgado (S.D.doTrega)
- Laura Carracedo (A. Estrada)
- Carmen Aguiño (S.M.Marín)
- Anxela Seoane (Ourense A.)
Selección Galicia Masculina Sub 16
- Brais Picón (Fontes do Sar)
- Nicolás López (E.A.Betanzos)
- Héctor Rodríguez (Ourense A.)
- Sergio Prieto (A.Estrada)
- Sergio Quintas (Ourense A.)
- Ignacio Maroño (Riazor Coruña)
