Galicia xa coñece aos seus rivais na Copa Gallaecia de fútbol. Esta cita deportiva retómase despois de varios anos no marco das celebracións do centenario da Associação de Futebol de Braga.
A Copa Gallecia disputarase na cidade de Minho (Portugal) os días 9, 10 e 11 de decembro de 2022 coa participación de equipos de fútbol femininos Sub-14 da Associação de Futebol de Braga, Bragança, Porto, Vila Real, Viana do Castelo e tres equipos de Galicia (Galicia Norte, Galicia Centro e Galicia Sur).
O sorteo desta nova edición da Copa Gallecia tivo lugar no auditorio da Associação de Futebol de Braga e no mesmo estiveron presentes o presidente da AF Braga, Manuel Machado; José Neves, da AF Porto; António Ramos, da AF Bragança; António Silva, da AF Vila Real; Jorge Sárria, da AF Viana do Castelo; António Marques, da AF Vila Real; e Fernando Iglesias, representante da Real Federación Galega de Fútbol (RFGF).
A Copa Gallaecia pretende ser algo máis que un torneo de fútbol
O obxectivo desta competición é que a Copa Gallaecia sexa algo máis que un torneo de fútbol. Preténdese deseñar un programa de intercambio e posta en común de boas prácticas entre as seis asociacións, involucrando a deportistas, coordinadores técnicos e consellos arbitrais, fomentando o crecemento e desenvolvemento do deporte e, tamén, fomentando a interculturalidade transformando os tres días da competición nun momento de intercambio cultural, social e deportivo
Estos son os rivais de Galicia Norte, Galicia Sur e Galicia Centro
Como resultado do sorteo, determinouse que a Serie 1 disputarana os equipos de Galicia Centro, Galicia Norte, AF Vila Real e a anfitrioa, AF Braga. A Serie 2 disputarana os equipos de Galicia Sur, AF Porto, AF Bragança e AF Viana do Castelo.
| SERIE 1 | SERIE 2 |
| Galicia Centro | Galicia Sur |
| Galicia Norte | AF Porto |
| AF Vila Real | AF Bragança |
| AF Braga | AF Viana do Castelo |
O representante da RFGF no sorteo, Fernando Iglesias, salientou que “aceptamos o desafío de Manuel Machado para este evento desde o primeiro momento. É unha excelente experiencia para todos os involucrados, pero especialmente para as xogadoras. En canto aos árbitros, cremos que é unha experiencia única de crecemento e evolución. Sentimos que o fútbol feminino está a crecer porque o potenciamos. É fundamental investir no fútbol feminino e a arbitraxe feminina”.
Ver esta publicación en Instagram
