Nunha nova xornada do Campionato de España Absoluto e Júnior de verán, a natación de Galicia suma seis novos metais. Ademais, as deportistas acadaron un novo Récord do Campionato Júnior e tres Mellores Marcas Galegas.
A gran protagonista de Galicia, e do torneo, foi, unha vez máis, Paula Otero, campioa absoluta a nivel estatal nos 800 libre. Esta é a terceira xornada na que a galega triunfa, tras ser campioa de España absoluta no 1500 libre e no 400 libre, en categoría júnior.
https://asnosas.gal/otero-coroase-campioa-de-espana-absoluta-no-1500-libre/
Paula Otero Fernández, do C.N. Arteixo e bolseira do CGTD, proclamouse Campioa de España Absoluta, sendo tamén Campioa Júnior (17 anos) na proba de 800 libre establecendo un por segunda vez o Récord do Campionato Júnior (xa o fixera na primeira xornada durante a proba de 1500 libre) con 8:35.48.
Ana Cernadas González, do C. Fluvial de Lugo e bolseira do CGTD, foi terceira Absoluta e Campioa de España Júnior de 17 anos na proba de 200 costas batindo por dúas veces a Mellor Marca de Galicia con 2:16.00 en eliminatorias e de novo na final A absoluta con 2:15.78. Ademáis, Ana acadou outra medalla de prata na proba de 100 libre Júnior con un tempo de 57.98.
Carla Carrón Muiña, do C.N. Arzúa e bolseira do CGTD proclamouse Campioa de España Júnior de 16 anos, e cuarta absoluta, en 800 libre con 8:47.73. Ademáis foi quinta en 100 libre Júnior con 58.31.
Alicia Bouzas Pedreira, do C.N. Galaico e bolseira do CGTD, foi terceira en 200 costas júnior de 16 anos con 2:21.58 igualando a MMG que tiña ela mesma.
Aroa Silva Fidalgo, do C.N. Santa Olaya e bolseira do CGTD, foi terceira en categoría Absoluto Mozo na proba de 800 libre con 9:01.43.
As outras participacións galegas
Outros resultados destacados das outras nadadoras de Galicia que acadaron as finais foron:
Pablo Cabana del Amo do C.N. Ponteareas e bolseiro do CGTD foi noveno en 400 libre júnior de 17 anos con 4:08.50.
Brais Novo López do C.N. Portamiñá foi quinto en 200 braza Júnior de 18 anos con 2:26.91.
Rosalía Marín Martínez do C.N. Coruña e bolseira do CGTD foi cuarta en 200 costas Júnior de 17 anos con 2:18.03.
