Galicia estivo presente no Campionato de España de Muay Thai con varias deportistas. Ao final da competición, celebrada en Baza, as loitadoras galegas traen no peto dous campionatos e un subcampionato. Venceron nas súas categorías Alicia Chamorro e Vincelle, sendo subcampioa Mila Rego.
A Federacion Galega de Kickboxing e Muaythai acadou éxitos no Campionato de España de Muaythai, que se celebraba esta fin de semana en Baza. Alicia Chamorro, veciña de Culleredo, proclamábase esta fin de semana campioa de España da modalidade de Muay Thai. A deportistas galega obtivo o primeiro posto na categoría de 16 anos e menos de 50 quilos. A nova campioa de España, Alicia Chamorro, competiu en terras andaluzas coas mellores deportistas desta disciplina sendo a mellor na súa idade e peso neste ano 2022.
O Concello de Culleredo felicitou á súa veciña polo campionato estatal alcanzado.
Tamén foi campioa de España nesta competición celebrada na localidade granadina de Baza Vincelle e subcampioa a tamén galega Mila Rego.
Tres metais en total para a expedición feminina galega.
Segundo informa a Federación Galega de Kickboxing e Muay Thai. Ademais ademais dos dous campionatos e o subcampionato, femininos, en categorías masculinas, Pelayo Ventoso, proclamábase campión de España e Xoan Villanueva, acadaba a medalla de bronce, cada un deles na súa idade e peso.
Os deportistas gallegos estiveron asistidos polos seleccionadores Iago Barros e Jose Manuel Santiago Perez.
Baza, sede do Campionato de España de Muay Thai
Baza acollía esta fin de semana o Campionato de España de Muay Thai da Federación Española de Kickboxing e Muaythai. Trátase dun deporte de contacto que concentrou na citada localidade ás principais figuras do país nesta disciplina. A cita, servía tamén para conformar o equipo estatal, e a súa representación a nivel europeo e mundial.
Este Campionato de España estivo organizado pola Federación Española de Kickboxing e Muaythai e tivo lugar de venres a sábado no pavillón municipal de deportes de Baza. O espectáculo deportivo tivo acceso libre para o público. E estaba previsto que as finais se retransmitirsen por LigaSport TV.
Sobre a cita deportiva, Manolo Gavilán, concelleiro de Deportes, de Baza, destacou a importancia que ten acoller un evento así para o municipio granadino. “O noso papel de xeradores de actividade que xera un importante movemento na cidade, xa que son moitos os atletas e acompañantes os que se dan cita en Baza para gozar deste Campionato”.
