- As Nosas das seleccións de Galicia Sub-14 e Sub-16 competirán na Primeira División dos CESA
Volven os Campionatos de España de Seleccións Autonómicas femininos (CESA) Sub-14 e Sub-16, os torneos onde podemos empezar a poñer cara ás estrelas emerxentes do fútbol feminino de todo o país.
Durante a presente campaña, o torneo terá un novo formato na primeira fase, dividindo ás súas seleccións en dúas divisións con distintos grupos.
A Primeira División, na que competirán as nosas futbolistas da Selección de Galicia, constará de dous grupos de catro seleccións cada un, mentres que a Segunda División terá tres grupos formados por tres equipos. En cada un deses grupos, ademais, unha das seleccións participantes exercerá de sede para acoller todos os partidos da fase.
Por outra banda, cabe destacar que para configurar os grupos tivéronse en conta os resultados cultivados polas seleccións autonómicas durante o últimos catro anos.
Galicia disputará a primeira fase en Andalucía
As xornadas desta primeira fase levarán a cabo entre o 11 e o 14 de decembro de 2025 en Asturias, Andalucía, La Rioja, Cantabria e Extremadura. A Selección Galega disputará esta primeira fase en terras andaluzas e os nosos rivais serán Andalucía, Cataluña e Castilla y León.
Segundo informa a RFGF así quedou confeccionado cada grupo do torneo:
Formato de competición
|
