A Federación Galega de Fútbol anuncia que Galicia acollerá o Campionato de España de Seleccións Autonómicas de Fútbol Sala para as categorías Sub 16 e Sub 19 Femininas. A competición repartirase en varias sedes ubicadas na provincia da Coruña, en concreto nas localidades de: A Coruña, Narón, Neda e Pontedeume.
A Real Federación Española de Fútbol (RFEF) vén de oficializar as sedes que acollerán os campionatos nas súas distintas categorías e Galicia, a nosa casa, albergará esta gran cita entre o 9 e o 13 de febreiro do próximo ano.
Un total de 10 combinados autonómicos, entre eles os nosos, xogaranse o título nacional en cinco días de fútbol sala en estado puro na provincia da Coruña explican desde a FutGal. As seleccións son: Galicia, Castilla La Mancha, Comunidad Valenciana, Comunidad de Madrid, Andalucía, Región de Murcia, Navarra, Aragón, Extremadura e Cataluña.
Este Campionato de España Sub 16 e Sub 19 Feminino celebrarase ata en catro recintos deportivos diferentes:
- Polideportivo do Barrio das Flores (A Coruña)
- Polideportivo A Gándara (Narón)
- Polideportivo Municipal de Neda (Neda)
- Polideportivo A Casqueira (Pontedeume)
Así é a composición dos grupos do Campionato de España
Sub 19 Feminina
Na categoría Sub 19 Feminina, a Selección Galega figura no Grupo A (o único con catro equipos) xunto con Castela A Mancha, a Comunidade Valenciana e a Comunidade de Madrid.
No Grupo B están as seleccións de Andalucía, Murcia e Navarra, mentres que no C xogarán Aragón, Canarias e Cataluña.
Clasificaranse para semifinais as primeiras clasificadas de cada grupo e a mellor segunda.
Sub 16 Feminina
Na categoría Sub 16 Feminina, a Selección Galega figura no Grupo A (o único con catro equipos) xunto con Castela A Mancha, a Comunidade Valenciana e a Comunidade de Madrid.
No Grupo B están as seleccións de Andalucía, Murcia e Navarra, mentres que no C xogarán Aragón, Extremadura e Cataluña.
Ao igual que na categoría Sub 19, na Sub 16 Clasificaranse para semifinais as primeiras clasificadas de cada grupo e a mellor segunda.
Por outro lado, xa está definido o plan de competición deste Campionato de España e os horarios e sedes dos encontros. Pódese consultar toda a información premendo na seguinte ligazón: PLAN DE COMPETICIÓN