O hoquei a patíns é unha disciplina que en España xógase principalmente en Cataluña, pero que leva anos gañando adeptos e terreo en diferentes puntos da xeografía española, como Madrid ou Asturias. Pero se hai unha comunidade na que esta disciplina suma deportistas, calidade sobre a pista e tradición na práctica, é a galega. A Coruña, máis en concreto, ten vivido xornadas gloriosas da man desde deporte. De feito, esta tempada vai ser a sede que acolla a Copa do Rei e da Raíña.
Así que Galicia, nomeadamente A Coruña, hai anos que é unha sorte de aldea gala no que a hoquei a patíns se refire. Un recuncho de deportistas irredutibles que co stick na man son quen de defender a morte unha portería e plantarlle cara ao máis pintado. No feminino, non habiamos ser menos. Elas tamén son unha excepción. Os equipos femininos galegos son un oasis para o hoquei agromando en terras galegas.
Con todo, esta tempada Galicia non conta con representación na Ok Liga, pero aspira a solventar este curso esa circunstancia. Para acadar ese retorno á elite do hoquei a patíns, cinco equipos galegos (aos que se suma un do Bierzo), empezan esta fin de semana a competición na Liga Senior Feminina Autonómica.
Galicia aspira a retornar á elite do hoquei a patíns estatal
Na Copa, disputada xa en 2019, o campión foi o HC Deportivo Liceo, que é o conxunto que ven de descender da máxima categoría. Queda por ver como se dirime a Liga que agora comeza en Galicia pero, sobre todo, será fundamental ver con que nivel competitivo chegan os dous representantes galegos que participen na fase de ascenso á cita crucial de xuño. Será aí cando Galicia se xogue o ser ou non ser na elite estatal.
