Galicia acadou o título de subcampioa da I Copa de España absoluta mixta de halterofilia nunha competición que tivo lugar en Vigo. A competición, que organiza a Real Federación Española desta modalidade deportiva, púxose en marcha este ano para as diferentes federacións autonómicas.
Na Selección Galega absoluta mixta de halterofilia participaron os seguintes deportistas:
- Irene Blanco
- Irene Martínez
- Martín Liste
- Víctor Castro
Con estes catro deportistas galegos estivo o técnico Ferenc Szabo.
Esta primeira Copa de España mixta tivo como gañadora á Federación Andaluza con 1,473.93 puntos. O conxunto de Andalucía estaba formado por: David Sánchez, Manuel Jesús Zurera, Nadia Oualit e Cristina Almendros. O segundo posto foi para Galicia, cun total de 1,448.78 puntos. Na terceira posición quedou a Federación Canaria con 1,409.42 puntos.
Ver esta publicación en Instagram
A Copa estatal de halterofilia celebrouse en Galicia
Vigo foi a cidade elixida pola Real Federación Española de Halterofilia para acoller esta primeira edición da I Copa de España absoluta mixta. Buscábase promover a práctica desta disciplina deportiva na cidade olívica. A competición celebrouse concretamente no Complexo Deportivo das Travesas.
Nesta Copa de España absoluta mixa participaron un total de 11 comunidades das 17 posibles contándose coa participación de máis de 40 deportistas:
- Andalucía
- Asturias
- Canarias
- Castilla la Mancha
- Castilla y León
- Catalunya
- Comunidad Valenciana
- Extremadura
- Galicia
- Navarra
- Euskadi
A xornada dividiuse en catro competicións, dúas femininas e dúas masculinas. Foi unha competición cun alto nivel, na que Marta García bateu cinco récords de España; catro júniors e un absoluto na modalidad de arrancada con 72 kg.
O pódium femenino estivo formado por:
- Marta García Rincón
- Garoa Martínez Anasagasti
- Sira Armengou Castell
As mellores marcas masculinas foron para:
- David Sánchez López
- Acorán Hernández Mendoza
- Alberto Fernández García
Segundo a normativa pola que se rexe esta I Copa de España de halterofilia na competición poden participar seleccións de comunidades autónomas de España compostas por catro deportistas dos cales dous teñen que ser homes e dúas, mulleres.
O resultado da competición calcúlase como a suma dos puntos Sinclair normalizados conseguidos por cada unha das persoas integrantes do equipo autonómico.
Para algún dos deportistas esta cita servía como clasificatorio para o Campionato de Europa absoluto que se celebrará en Armenia a mediados do mes de abril.
