- A Selección Galega, formada por máis de 100 taekwondistas, participará no Campionato de España de Poomsae, Freestyle e Parapomsae á procura de revalidar o seu título de campioa nas dúas primeiras disciplinas
Galicia estará presente, cunha expedición formada por unhas 120 persoas (deportistas, técnicos/as e xuices/as), no Campionato de España de Poomsae, Freestyle e Parapoomsae, que se celebrará o sábado 21 de febreiro no Pabellón San Pablo de Sevilla.
Galicia estará presente, cunha expedición formada por unhas 120 persoas (deportistas, técnicos/as e xuíces/as), no Campionato de España de Poomsae, Freestyle e Parapoomsae, que se celebrará mañá sábado 21 de febreiro no Pabellón San Pablo na localidade andaluza de Sevilla.
En xogo tamén a participación no Mundial
A cita, que comezará as 09:00 horas, non só outorga os títulos estatais, senón que tamén é decisiva na formación do equipo que representará a España no Campionato do Mundo, que se disputará en setembro en Corea. Este campionato estatal será a última proba clasificatoria para este Mundial, segundo informa a Federación Galega de Taekwondo.
As e os nosos deportistas estiveron traballando moi duro durante as últimas semanas preparándose para esta importante cita, tanto no adestramento diario nos seus clubs como nas concentracións coas seleccións.
Estas son as convocatorias das seleccións galegas de técnica, freestyle e parapoomsae:
Ademais, viaxan seis representantes do colectivo arbitral galego. Trátase de: Adrián Zas Otero, Conchy Martínez Carballo, Adrián Maceiras Maseda, Verónica Piñeiro Muñiz, Odhra Di-Martino Fermín e Antía García Rodríguez.
Galicia, vixente campioa de España por equipos en Poomsae e Freestyle
En 2025, Galicia logrou o título de campioa de España por equipos en Pomsae e Freestyle, no Campionato que se celebrou en San Vicente del Raspeig (Alacante).
En Técnica as e os deportistas galegos acadaron 9 ouros, 9 pratas e 9 bronces, mentres que en freestyle houbo 6 ouros, 5 pratas e 2 bronces. En Parataekwondo a selección galega sumou 7 ouros.
