Antía Chamosa da Gimnástica de Pontevedra proclamouse campioa de Galicia absoluta no XXXII Campionato de Galicia de marcha en ruta que se desenvolveu onte sábado no Concello de Marín e no que se gardaría antes de dar comezo, un minuto de silenzo en memoria Mario Barreiro impulsor do atletismo na comarca de Marín. Roberto Vieiro do C.A. Santiago, tamén subiu ao máis alto do podio.
Sen sorpresas nos podios absolutos
A internacional feminina acadaría un rexistro de 47:08 que supón un novo récord galego Sub23 e que confirman o bo comezo da tempada da marchadora. Xunto ela no caixón estarían Carmen Escaríz con 49:27 e Iria Rivas do RIA Ferrol quen con 53:32 melloraría de igual modo o récord galego Sub20.
Na categoría masculina Roberto Vieiro revalidaría o seu títitulo autonómico cun rexistro de 44:24 que supuñen unha MMP. Carlos Morales do Marineda con 44:30 proclamaríase subcampión de Galicia establecendo un novo récord galego máster 40. O céltico Jose Fernández con 46:28 pecharía os postos de honra.
Outro dos récords galegos batidos no día de hoxe, serían os 54:00 de Sofia Campo do C.A.Santiago na categoría Sub18.
Como dato importante salientar que preto dun 50% dos participantes mellorarían os seus rexistros persoais o que da mostras das condicións ideais dun circuto chairo, recto e con xiros amplos a nivel de mar que sería do agrado de todos os/as que tomaron parte.
Gañadoras/es 2020
- Absoluta Antía Chamosa (S.G.Pontevedra) con 47:08 e Roberto Vieiro (C.A.Santiago) 44:24
- Sub23 Antía Chamosa (S.G.Pontevedra) con 47:08
- Sub20 Iria Rivas (RIA Ferrol) con 53:32 e Roberto Vieiro (C.A.Santiago) 44:24
- Sub16 Aldara Merlán (EAL) con 26:09 e Brais Suárez 24:27
- Sub14 Claudia Safuentes (A.F.Celta) con 16:27 e Andrés González (R.C.Celta) con 16:12
- Sub12 Sabela Castelo (Vila de Cangas) con 10:01 e Tomás Bautista (A.Porriño) con 10:57
- Sub10 Zaira Pousada (Arousa) con 7:08 e José Veiga (Cuntis) con 6:37
- Máster 35 José Fernández Nives (R.C.Celta ) con 46:28
- Máster 40 Emilia Rodríguez (Trega) con 59:11 e Juan Morales (Marineda) con 44:30
