Galicia disputará a final do Campionato de España infantil de fútbol sala nas dúas categorías, tanto a feminina como a masculina.
A Selección Galega feminina de futsal foi a encargada de inaugurar a festa galega en Murcia tras derrotar na súa semifinal a Cataluña (0-2). O broche de ouro chegaría un par de horas máis tarde a cargo do equipo masculino, que se impuxo a Castilla – La Mancha (4-1) para rubricar ese histórico dobrete galego na final, segundo informa a RFGF.
As finais do Campionato de España terán lugar mañá domingo 23 de abril. A Selección Galega feminina medirase a Andalucía a partir das 10.30 horas, mentres que o rival da masculina será Cataluña a partir das 12.45 horas. Sigamos soñando?
As finais das dúas seleccións, en streaming
As finais do Campionato de España de fútbol sala serán retransmitidas en directo a través da canle de Youtube da Real Federación Española de Fútbol RFEF.
- Final feminina do Campionato de España Infantil de fútbol sala (10.30 horas): Ao vivo
- Final masculina do Campionato de España Infantil de fútbol sala (12.45 horas): Ao vivo
Partidazo de Galicia ante Cataluña
Fantástico partido o disputado pola Selección Galega de futsalfem ante a potente Cataluña na semifinal feminina.
O combinado dirixido por Manuel del Castillo deu un recital de fútbol sala e acabou certificando o billete para a gran final nacional tras gañar por 0-2.
FICHA TÉCNICA
0) CATALUÑA: Desirée Bello, María Martín, Judit Corsá, Kenya Hernández e Laia Cella (cinco inicial). Tamén xogaron Martina Ferrera, Aneu Isern, Laia Bayó, Manal Benabderrahmane, Urgell Isern, Daniela Guijarro e Manuela Sebastián.
2) GALICIA: Ines Brianso, Ángela Blanco, Lía Ayestarán, Nuria Pascual e Daniela Rodríguez (cinco inicial). Tamén xogaron Candela Gallego, Crystal Almida, Anxela Fernández, Aitana Lago, Claudia Sande, Sara Del Castillo e Nerea Silveira.
GOLES: 0-1 | Daniela Rodríguez, min. 7. 0-2 | Lía Ayestarán, min. 25.
EQUIPO ARBITRAL: Francisco José Castillo.
INCIDENCIAS: Semifinal do Campionato de España infantil feminino de fútbol sala. Príncipe de Asturias.
A confianza en si mesmos leva á Selección Galega masculina á final
A Selección Galega masculina, pola súa banda, segue ao seu: confianza no bloque e fútbol de salón para continuar soñando co Campionato de España. Os futbolistas que prepara Gael Madarnas non se fiaban nin un pelo de Castilla – La Mancha. Afrontaron a súa semifinal coa máxima seriedade e acabaron facendo os deberes (4-1).
FICHA TÉCNICA
4) GALICIA: Pablo Cordero; Rubén Oliveira, Pablo Crespo, Iker Paz e Diego López (cinco inicial). Tamén xogaron Daniel Torres, Lucas Rodríguez, Pablo Seoane, Raúl González, Fabio Da Silva, Bruno Ramos e Manuel Garrido.
1) CASTILLA-LA MANCHA: Asier, Diego, Pablo Crespo, Rafa, Darío, Alejo, Raúl Montero, Alejandro, Iván, Gabriel, Marcos e Pablo Mora.
INCIDENCIAS: Semifinal do Campionato de España infantil masculino de fútbol sala. Príncipe Felipe.
