A Copa de España infantil de Judo foi tamén o XVIII Trofeo de Judo Cidade de Lugo e celebrouse na citada localidade galega. Na cita participaron 215 deportistas 10 comunidades autónomas, pero tamén houbo participación lusa. Galicia encabezou o medalleiro. A Federación Galega conseguía: sete primeiros lugares, cinco segundos 11 terceiros, 16 quintos e 10 sétimos postos.
Na Copa de España Infantil de Judo 2023 celebrada en Lugo a clasificación por autonomías quedou do seguinte xeito:
- Galicia
- Portugal
- Canarias
- Cantabria
- Asturias
- La Rioja
- Madrid
- Extremadura
- Aragón
- Castilla y León
A competición celebrouse para categorías masculinas e femininas. Nestas últimas destacou co concurso das galegas Adela López, Candela Costa e Sara Mai Rivera en que no peso de -36 kg coparon o podio nesa orde. No peso de -44 kg vencía Carlota Rodríguez e nos -48kg o primeiro posto foi para Zeltia Sousa.
No peso de +63kg gañaba a Copa de España a galega Mawa Cámara. Outros postos destacados das judocas galegas son o de Alicia Rocha, e Lola Vázquez, terceira e cuarta respectivamente en -57kg.
Na categoría de -63kg o triunfo foi para a portuguesa Gabriela Silveira e segundo lugar para a canaria Deguene Mbengue, pero os postos do terceiro ao quinto foron, por esta orde, para as galegas: Antonella Sousa, Candela Vila, Aitana Iparraguirre e Uxía Lage.
