Galicia presenta 58 deportistas á I Copa de España de Estilos de Karate

A cidade madrileña de Leganés acolle estes días a celebración da I Copa de España de Estilos de Karate. Trátase dunha cita deportia de carácter internacional que dará cabida aos diferentes practicantes de diversos estilos de kárate que se practican en España e na que Galicia terá presencia.

Neste evento participan un total de 58 deportistas de Galicia pertencentes a catro clubs da nosa comunidade autónoma. Trátase do Club Karate Rivers Stone do Barco de Valdeorras (8 deportistas), o Artes Marciales Fene (2 deportistas), O Avalon Kai de Santiago de Compostela (46 deportistas), o Grupo Bazán de Ferrol (2 deportistas)

Segundo informa a Federación Galega de Karate e disciplinas asociadas, a representación da expedición de Galicia complétase coa participación dos árbitros de Galicia: David González Vázquez (Shihan) e José Ignacio Muñoz Pérez (Chantada KC)

O listado de estilos de karate en liza nesta I Copa de España é o seguinte:

GOJU RYU
GENSEI RYU
KYOKUSHINKAI
RENBUKAI
SHITO RYU
SHORIN RYU
SHOTOKAI
SHOTOKAN
UECHI RYU
WADO RYU

Antonio Moreno Marqueño, presidente Real Federación Española de Kárate y Disciplinas Asociadas, explicaba que na Federación, non lles consta “unha competición destas características a nivel español, nin europeo. Si existe unha copa similar desarrollada no berce do kárate, Okinawa”, explica.

Moreno apunta que o desenvolvemento desta competición “básease no concepto de agrupar aos diferentes practicantes de cada estilo, na competición de kata do seu propio estilo, onde será, aínda máis ecuánime, a decisión arbitral e onde as persoas que exerza de zuíces serán, a súa vez, especialistas nese estilo”.

O presidente Real Federación Española de Kárate y Disciplinas Asociadas, sostén que “este tipo de competición pretende consolidar o deporte base, o deporte que se practica cada día dentro do ximnasio o dojo, demostrando que todos os estilos de kárate que se practican en España son válidos para a competición e para o deporte federado, abrindo así as portas a moitos dojos que, doutro xeito, non darían ese gran paso que é o da competición”, sostén Antonio Moreno Marqueño.

Protocolo COVID-19 con uso de máscara na competición

Como en todas as citas deportivas que se celebran neste tempo de pandemia, a I Copa de España de Estilos de Karate tamén conta con medidas de prevención de contaxio do coronavirus. Neste sentido o uso de máscara é obrigatorio salvo en casos xustificados e debidamente acreditados documentalmente.

Tal como establece o protocolo de volta á competición oficial de ámbito estatal da RFEK, polo que se rixe esta cita deportiva, as máscaras de protección permitidas serán as cirúrxicas, FFP2 e KN95. Non está admitido competir con calquera outro tipo de modelo diferente.

Tamén é preciso ter máscara de substitición por se se rompe ou deteriora durante o transcurso da competición. Ese uso de máscara de protección facial non se limita so ás persoas deportistas, tamén se estende a súa obrigatoriede a calquera persoa que participe de xeito directo ou indirecto no desarrollo da competición.

Non haberá público e o acceso deberá facerse de xeito escalonado. As deportistas deben acceder coa coach instricta (so se permite un adestrador por participante). Xa dentro da instalación, deberán quedar na bancada ate que poidan acceder á zona de quecenmento (asígnanse horarios). Nas bancadas se gardará a distancia social interpersoal de seguridade

A zona de competición está reservada ao equipo se xuíces, staff organizativo imprescindible e só estarán en cada tatami as deportistas que compitan nese momento e as participantes no seguinte encontro.

Rematada a competición, deportistas e coaches deberán abandonar a instalación deportiva á maior brevidade posible. Como o uso de vestiarios non está estará permitido, “as deportistas deberán acceder á instalación en karategi”, segundo recollen as normas da competición.