Esta fin de semana terá lugar a cita máis importante do ano a nivel nacional, os Campionatos de España Absolutos de Aire Libre, que se desenvolverán na localidade madrileña de Getafe. Alí acudirán case unha corentena de atletas de Galicia, case a metade delas mulleres.
Logo dun ano complicado e difícil, serán moi diversos e variados os obxectivos de cada un e unha das participantes onde a gran cita internacional dos Xogos Olímpicos marcará con maiúsculas a axenda deportiva.
Na participación feminina da Federación Galega de Atletismo destacan nomes do talle de Adi Iglesias, Edymar Brea, Ana Peleteiro, Belén Toimil, Irene Gómez ou Lidia Parada, entre o total de 20 atletas femininas de Galicia.
Estas son as galegas que acudirán ao Campionato de España absoluto
Na categoría femenina, importante test para a paralímpica nos vindeiros Xogos de Toquio. Adi Iglesias, do Lucus Caixa Rural Galega, estará sobre os 100 e os 200 m. perfilarando a súa gran aposta e principal obxectivo para este ano.
Pola súa parte, Laura Santos, tamén do Lucus Caixa Rural Galega, competirá logo dunha destacada progresión sobre os 1.500 m. que lle permitirá estar tomando parte na proba raíña do medio fondo con 4:27.48 de MMP.
Carmela Cardama recén chegada de EE.UU, será unha das favoritas na proba dos 5.000 m. á que acude logo de ser a primeira española en proclamarse Campioa Universitaria de Atletismo da NCAA na proba dos 5.000 m. pola Universidade de Oregón. Tomando parte na mesma proba, a venezolana con ficha en Galicia Edymar Brea, do Ourense Atletismo, estará na loita polos postos importantes.
Carmela Cardama fai historia como a primeira española en vencer na NCAA
Tanto Lucía Rivadulla, do Ría Ferrol, como Belén Arias, do ADAS Proinor, loitarán novamente pola hexemonía de Galicia sobre a modalidade na que a ferrolá parte con mellor marca de 1:01.11 polos 1:01.63 da barquense.
No foso de saltos, Leticia Gil pola súa banda intentará superar esos 6,26 m. no salto de lonxitude para voltar a un podio de aire libre como xa fixera co bronce do ano 2019. A venezolana con ficha galega Nori Vargas estará tamén presente neste concurso.
No triplo Ana Peleteiro parte como clara favorita ao título nun importante test de cara aos Xogos Olímpicos de Toquio, e onde non perderemos de vista as evolucións da campioa de España de Pista cuberta Sub20 Alba Cuns.
No apartado de lanzamentos, este é sen dúbida o ano de Belén Toimil. A plusmarquista nacional (18,64 m.) aspira a revalidar o título de campioa nacional en peso como paso previo a gran cita olímpica de apenas un mes. Recentemente, obtivo o ouro na final da Primera División da Liga Iberdrola de Clubs.
Belén Toimil e Saleta Fernández, ouros galegos na final polo título da División de Honor
Sen abandoar os lanzamentos, a internacional campioa de España Sub20 do ano pasado Irene Gómez estará en martelo representando a Galicia, logo de lanzar este ano ata os 60,17 nunha importante progresión.
A xavelina será outro dos puntos de interese ca participación da tetra-campioa de España absoluta Lidia Parada, do A.D.Barbanza, (53,80 MMT) e da subcampioa nacional do ano pasado Carmen Sánchez, do Unicaja Jaén, (52,74 MMT) ambas ca segunda e terceira mellor marca nacional do ano.
Sobre as combinadas femeninas contaremos coa participación da internacional e medallista nacional de bronce Sub23 tanto de pista cuberta como de aire libre Eva Queimaño. Unha das modalidades importantes do noso atletismo, a marcha estará representada por Carmen Escariz, do Ourense Atletismo, instalada na elite estatal e coa mente posta en ocupar postos de honra na proba dos 10.000 marcha.
Por último, nos 4×100 o Ría Ferrol será o equipo feminino que represente a Galicia, cun equipo formado por Lucía Rivadulla, Paula Ferreiros e as atletas sen ficha galega Laura Alonso, Paulete N. Fernández e Irene Bonafonte.
