As atletas galegas obtiveron destacadas actuacións nos diferentes campionatos de España de Atletismo nos que participaron ao longo do estado. Sumando as categorías feminina e masculina, Galicia sumou 16 medallas.
En canto aos ouros femininos están os acadados por Xela Martínez, do Atlética Lucense, campioa de España Sub 16 en campo a través, o de Laura Rico do Ría Ferrol, campioa Sub 16 en xavelina no Campionato de España de Lanzamentos longos no que Blanca Pereira, do Ourense Atletismo, foi campioa Sub 16 de martelo.
No LV Campeonato de España de Campo a través por clubs disputado en Soria tanto Xela Martínez da Atlética Lucense como El Medhi El Nabaoui do Atletismo Narón, proclamáronse campións de España individuais nas categorías Sub 16 e Sub 20 respectivamente.
Estos éxitos confirman a excelente traxectoria e a enorme calidade desta parexa de fondistas que está chamada a ser a cabeza visible dunha nova xeración de atletas que ben purrando moi forte.
Na clasificación por clubs o Real Club Celta na categoría Sub 18 lograría o subcampionato de España grazas ó excelente traballo dos seus integrantes Hugo Martínez, Pedro Vázquez, Alex Goberna, Hugo Suárez e Mateo Rodríguez. Según informa a Federación Galega de Atletismo.
Campionato de España de Lanzamentos longos
No que atinxe ao Campionato de España de Lanzamentos longos de manores, celebrado na localidade de Castellón os pasados 23 e 24 de febreiro, a Federación Galega asegura que “a palabra que define o comportamento dos galegos e das galegas nesta competición é: soberbio”
Na recompilación de medallas nesta competición, contabilízanse un total de tres ouros, catro pratas e cinco bronces. Estos datos “confirman o excelente momento dun sector que está a ser un verdadeiro caldeiro de campións e campioas para o noso deporte e onde o formidable traballo dos núcleos e dos adestradores comeza a dar os seus froitos”, din desde a Federación Galega. A relación de medallas é a seguinte:
RESULTADOS DESTACADOS FEMININOS
- Laura Rico do Ría Ferrol, campioa Sub16 en xavelina con 35.51 m
- Blanca Pereira do Ourense Atletismo, campioa Sub16 de martelo con 48.32 m.
- Irene Gómez del Valencia A., subcampioa Sub20 en martelo con 55.02 m.
- María Pena da Atlética A Silva, subcampioa Sub18 en xavelina con 47.96 m. e novo Récord Galego Sub18
- Marta Neira do A.V.A. bronce Sub18 de martelo con 56.16 m.
- Paula Piñón do A.F. Celta, bronce Sub18 de xavelina con 45.00.
RESULTADOS DESTACADOS MASCULINOS
- Yago Araujo Rodríguez do Real Club Celta, subcampión Sub20 de martelo con 66.16 m.
- Nicolás García do A. Gandía, subcampión Sub20 en disco con 59.24
- Eric Méndez do Real Club Celta, campión Sub18 en martelo con 63.38 m.
- Daniel Loureiro de A Silva, bronce Sub16 en xavelina con 47.05 m.
- Daniel Mato do C.A. Santiago, bronce Sub18 en xavelina con 55.41 m.
- Hugo Fernández do C.A. Sada, bronce Sub16 en martelo con 45.60 m.
Pola súa banda Pepe Domínguez Caballero de A Silva lograría o subcampionato nacional de lanzamentos longos que se disputou en Zuera no concurso de xavelina M45 cun mellor lanzamento de 41.46 m.
