Avanza o calendario e avanza o mes de marzo ca celebración esta fin de semana de varias citas autonómicas que ocuparán distintos espazos baixo distintas modalidades. É o caso dos campionatos de Galicia dos 3.000 Sub-20 e Sub-23, así como o Campionato de fondo e medio fondo máster. A toda esta intensa actividade súmanselle os controis que se efectuarán na pista cuberta de Ourense o sábado día 20 e na pista de aire libre do CGTD de Pontevedra o domingo día 21.
As restricións no desenvolvemento de probas de fondo e medio fondo correspondentes tanto a campionatos de Galicia de atletismo como ao resto da programación atlética, está obrigando a axustalas e a trasladalas casi na súa totalidade ás pistas de aire libre do Centro Galego de Tecnificación Deportiva (CGTD) de Pontevedra.
Estes son os casos dos Campionatos de Galicia de 3.000 m. Sub-20 e Sub-23 e do Campionato de fondo e medio fondo máster que se efectuará nas citadas pistas este o domingo día 21, logo de que o restro de probas se desenvolveran en Ourense a mediados e finais e do pasado mes de febreiro.
Neste campionatos de Galicia, tomarán parte 264 deportistas
Entre un total de 264 atletas participantes destacan a plusmarquista galega absoluta de pista cuberta nos 800 m. e internacional Pilar Barreiro do C.A. Sada estará tomando parte sobre os 400 m. ao igual que fará Emilia Rodríguez Baz do Trega sobre a proba dos 3.000 marcha.
Continuando coa categoría femenina nesta cita deportiva autonómica vaise contar coa participación da varias veces medallista internacional máster Esther Pedrosa, así como as tamén medallistas en campionatos máster internacionais Teresa Castro do Atletismo Noia e Cristina Estévez do A.F. Celta.
Compre salientar tamén o concurso dos atletas do Club A Gándara María Cedrón e Carlos López na categoría Sub-20, así como e Carmen Martínez na categoría Sub-23. Tamén o campión galego Sub-20 do ano pasado en Ourense sobre esta mesma distancia Victor Bouzón do Olímpico de Vedra, estará tomando parte na categoría Sub-23.
Na categoría máster o internacional e campión de España de milla en ruta Víctor Rioboo da Sociedad Gimnástica de Pontevedra estará na línea de saída ao igual que o subcampión de España de marathon Elías Domínguez do Fisioterapia San Lázaro. Xosé Luis Otero Cepeda do Universidade de Santiago na M65 será outro dos atletas salientables deste campionato.
