Galicia, campioa de España junior de halterofilia 2021

Hoxe, sábado 17 de abril tivo lugar no polideportivo municipal Cerro Almodóvar de Madrid a 59ª edición do Campionato de España Júnior de Halterofilia. A proba era tamén Campionato de España de Federacións Autonómicas para a categoría e Galicia foi campioa. Ademáis, a haltera coruñesa Irene Blanco Tarela, do CH Coruña, acadou a mellor marca feminina de todo o Campionato de España Junior. A deportista da Coruña fíxose co ouro nas tres modalidades nos 87kg e polo tanto no global ao ser quen de levantar 95kg en arrancada 115kg en dous temos e 210kg no total olímpico.

A galega, que intentou sen éxito atacar os 100kg en arrancada, explicaba que afrontar unha “barreira mental moi grande, meterse debaixo de 100kg en arrancada. Hoxe non puido ser, pero axiña han ser meus”

Irene Blanco Tarela dixo ter vivido unha fin de semana chea de “emocións”, e estar contenta polos “tres ouros” e por ter acadado a “mellor marca junior da competición, cumplindo o primeiro obxectivo”. Irene Blanco amosaba o seu agradecemento ao seu equipo, ao seu club CH Coruña, “e sobre todo ao meu adestrador Ferenc Szabo Tatar”.

Ver esta publicación en Instagram

Una publicación compartida de (@irenebta_)

Non so Irene Blanco tivo unha destacada actuación entre a expedición galega. Durante esta cita deportiva os halteras de Galicia estableceron un total de 35 récords autonómicos. Foi o caso de Vega García 12, Ruth Fuentefría 10, Javier Cancela 4, Amy Abelleira 4, Alejandro Mendez 4 e Uxía Romero 1.

A haltera do CH Vigo, Amy Abelleira foi prata nas tres modalidades nos 71kg de peso corporal. A deportista viguesa levantou 67kg en arrancada (prata), 83kg en dous tempos (prata) e 150kg no total olímpico (prata).

Obtivo tamén prata a deportista do CH Coruña Dariana Arancibia que competía en 55kg. Ela levantou 58kg en arrancada (prata), 71kg en dous tempos (prata) e 129kg no total olímpico (prata).

No caso da súa compañeira de club, Vega García, que competiu en 59kg, o sitio no podio foi o terceiro ao levantar 69kg en arrancada (bronce), 81kg en dous temos (bronce) e 150kg no total olímpico (bronce).

Ana Arufe do club Cocodrilos Verdes competía en 55kg e foi bronce en dous tempos ao levantar 69kg.

A coruñesa Ruth Fuentefría que compite en 49 kgs foi a mellor en arrancada ao levantar 63kg (ouro), pero tivo que conformarse co terceiro lugar tanto en dous tempos 67kg (bronce) como no total olímpico 130 (bronce).

Galicia, no máis alto do caixón feminino no Campionato de España Junior de halterofilia / CH CORUÑA

Preto dun cento de deportistas dos cales 13 era de Galicia

Para o Campionato de España Júnior de Halterofilia, nas dez categorías de peso corporal para mulleres e outras tantas para homes, clasificáronse un total de 95 deportistas de todo o territorio estatal. Establecéronse nas fases previas as marcas mínimas esixidas para poder participar nesta competición de halterofilia.

Cabe subliñar a importancia desta cita xa que serve para seleccionar as/os deportistas participantes no Campionato do Mundo Júnior que se celebrará en Uzbekistán o vindeiro mes de maio.

A Federación Galega de Halterofilia desplazou a Madrid a un total de 13 deportistas. A representación de Galicia repartíase entre nove deportistas do CH Coruña, un do Cocodrilos Verdes, un do CH Vigo e tres do CH Pabellón.

No que respecta ao podio feminino do Campionato de España Federaciones Autonómicas Galicia foi a campioao con 1861,89 puntos Sinclair, seguida de Cataluña con 1650,63 puntos, e pechou os lugares de honrra Andalucía no terceiro caixón con 1063,91 puntos Sinclair.

Pola súa parte, a Selección de Galicia masculina finalizou a competición no quinto lugar no Campionato de España Federaciones Autonómica.

Resultados da representación galega

Os resultados das/os halteras que representaron a Galicia neste campionato que tivo lugar en Madrid foron os seguintes relacionando peso, deportista, marca e clasificación conseguida nas modalidades de arrancada, dous tempos e total olímpico respectivamente:

HALTERAS GALEGAS FEMININAS