- Galicia participará con dúas seleccións masculinas e outras tantas femininas en Waterford (Irlanda) na competición internacional máis importante do calendario desta modalidade deportiva: os World Games.
- Do 13 ao 17 de xullo xuntaranse uns 2.000 deportistas de cinco continentes no que será unha enorme celebración do deporte e da cultura gaélica.
- A AGFG puxo en marcha un Crowdfunding para custear o desprazamento e tamén conseguiu o apoio de institucións como Turismo de Galicia, Deporte Galego, Real Federación Galega de Fútbol, e diferentes empresas entre as que cómpre destacar a PuntoGal. Ademais vaise facer promoción da provincia da Coruña da man da Deputación.
Galicia competirá nos World Games 2026 de fútbol gaélico. A competición terá lugar do luns 13 ao venres 17 de xullo na localidade irlandesa de Waterford. Catro seleccións galegas (dúas femininas, e dúas masculinas) estarán loitando con equipos chegados de cinco continentes. Galicia é unha das poucas seleccións que estiveron en todas as edicións desta competición o que dá conta da importancia da modalidade no noso territorio e da proxección internacional das nosas seleccións.
Arredor de 2.000 deportistas tomarán parte nestes World Games 2026 que convertirán Waterford no epicentro do fútbol gaélico e da cultura gaélica no ámbito internacional.
Ver esta publicación en Instagram
Asociación Galega de Fútbol Gaelico (AGFG) envía unha delegación composta por 64 integrantes entre futbolistas e corpos técnicos. Viaxan 14 futbolistas por equipo, 2 reservas, 4 técnicos e 2 persoas do staff. Será unha das máis numerosas dando conta da fortaleza que o fútbol gaélico ten acadado no noso territorio na última década. Esta disciplina medrou en resultados deportivos e practicantes. O traballo realizado desde as Gaélico Escolas PuntoGal achegou o fútbol gaélico a novas xeracións garantindo unha remuda xeracional nesta disciplina e o posicionamento de Galicia como un referente do fútbol gaélico fóra de Irlanda.
Baixo o nome Galicia A competirán uns futbolistas e coa denominación Galicia B outros. En ambos os dous casos búscase acadar a mellor clasificación posible, pero o enfoque dos equipos B, tanto no caso masculino, coma no feminino, estará máis orientado á formación, primando unha mestura de perfís de deportistas veteráns e outros máis novos que constitúan unha aposta de futuro.
As seleccións galegas partirán de Santiago de Compostela o sábado 11 cara a Dublín, onde farán noite. Xa o domingo, trasladaranse a Waterford e o luns comezarán osWorld Games 2026 de fútbol gaélico. A maior parte da competición disputarase nas instalacións da South East Technological University (SETU Waterford – Carriganore), mentres que as finais celebraranse no histórico Walsh Park, un dos estadios máis emblemáticos dos deportes gaélicos en Irlanda.
Estas son as convocatorias dos equipos masculinos e femininos de Galicia para os World Games 2026 de fútbol gaélico.
SELECCIÓN MASCULINA GALEGA
Ver esta publicación en Instagram
GALICIA A
Corpo técnico
- David de la Torre
Xogadores
- Mateo Fernández (Estrela Vermelha)
- Pablo Mascareñas (Estrela Vermelha)
- Gábor Pazos (Estrela Vermelha)
- Adrián Ambrosio (Keltoi GAC)
- Borja González (Keltoi GAC)
- Pablo Bermejo (Keltoi GAC)
- Víctor Mera (Estrela Vermelha)
- Iago Couso (Estrela Vermelha)
- Brais García (Keltoi GAC)
- Ismael Méndez (Turonia GFG)
- Adriano Quiroga (Estrela Vermelha)
- Samuel Lagoa (Estrela Vermelha)
- Santi Rodríguez (Auriense)
- Roi Mira (Estrela Vermelha)
GALICIA B
Corpo técnico
- David de la Torre
Xogadores
- Quim Fabrés (Keltoi GAC)
- Raúl Barreiro (Keltoi GAC)
- Diego Rama (Estrela Vermelha)
- Lois García (Keltoi GAC)
- Pablo Durán (Turonia GFG)
- Adrián Rey (Estrela Vermelha)
- Martín Giao (
- David Dios (Keltoi GAC)
- Bruno López (Fillos de Breogán)
- Noé Asensio (Turonia GFG)
- Julio Docampo (Keltoi GAC)
- Ismael Pereira (Keltoi GAC)
- Cristian Costas (Turonia GFG)
- Alexandre Louzao (Estrela Vermelha)
SELECCIÓN FEMININA GALEGA
Ver esta publicación en Instagram
GALICIA A
Corpo técnico
- Pablo da Silva
- Juan Fernández
Xogadoras
- Silvia Álvarez (Turonia GFG)
- Loreto Alonso (Grovias)
- Ánxela Estévez (Estrela Vermelha)
- Vicky Estévez (Auriense)
- Iria Labandeira (Auriense)
- Eva Lago (Fillas de Breogán)
- Sara López (Fillas de Breogán)
- Laura Nercellas (Estrela Vermelha)
- Vanesa Puente (Fillas de Breogán)
- Alba Rodríguez (Auriense)
- Emma Rojas (Estrela Vermelha)
- Leti Zapata (Fillas de Breogán)
- Antonella Larrascq (Turonia GFG)
- Tamara Mulaosmanovic (Estrela Vermelha)
GALICIA B
Corpo técnico
- Pablo da Silva
- Juan Fernández
Xogadoras
- Caridad de Santiago (Grovias)
- Antía Iglesias (Lavandeiras de San Simón)
- Rocío Aldrey (Estrela Vermelha)
- Noa Alonso-Macías (Grovias)
- Cloe Amor (Auriense)
- María Arias (Auriense)
- María Estrada (Grovias)
- Lucía Fernández (Auriense)
- Alex Figueroa (Turonia GFG)
- Sara Lomba (Grovias)
- Nicolle Lugo (Auriense)
- Aldara Montero (Fillas de Breogán)
- Uxía Otero (Estrela Vermelha)
- Lourdes Rey (Estrela Vermelha)
Así será o sistema de competición dos World Games
As nosas seleccións competirán na categoría “International”. As dúas Galicia A farano na primeira división, mentres que os combinados Galicia B competirán na segunda división. Os World Games 2026 de fútbol gaélico estrutúranse en termos competitivos do seguinte xeito:
Masculino División 1
Consta de dous grupos de 5 equipos. O gañador de cada grupo avanzará directamente a semifináis. O 2º e 3º clasificados xogarán entre eles un partido de cuartos de final polos postos restantes nas semifináis. O 4º e 5º avanzarán ás semifináis Shield.
Galicia competirá no grupo A dos World Games 2026 de fútbol gaélico. Consulta nesta ligazón o calendario e resultados, segundo se vaian producindo: https://gaelicogalego.gal/seleccion/especiais/world-games-2026/masculino
Masculino División 2
Haberá dous grupos de 6 equipos. O gañador de cada grupo avanzará directamente a semifináis. O 2º e 3º clasificados xogarán entre eles un encontro de cuartos de final polos postos restantes nas semifináis. O 4º avanzará ás semifináis Shield. O 5º e 6º xogarán entre eles uns “cuartos de final” polos outros postos das semifináis.
Galicia competirá no grupo A dos World Games 2026 de fútbol gaélico. Consulta nesta ligazón o calendario e resultados, segundo se vaian producindo: https://gaelicogalego.gal/seleccion/especiais/world-games-2026/masculino/
Feminino División 1
Os conxuntos participantes repártense en dous grupos, grupo A con 5 equipos e grupo B con 4 equipos. 1º e 2º do grupo A, e 1º do grupo B, avanzan a semifináis. 3º grupo A vs 2º grupo B como cuartos de final. 4º e 5º grupo A e 3º e 4º de grupo B xogarán as semifináis Shield.
Galicia competirá no grupo B dos World Games 2026 de fútbol gaélico. Consulta nesta ligazón o calendario e resultados, segundo se vaian producindo: https://gaelicogalego.gal/seleccion/especiais/world-games-2026/feminino/
Feminino División 2
Nesta categoría dos World Games 2026 de fútbol gaélico haberá dous grupos, grupo A con 4 equipos e grupo B con 5 equipos. 1º e 2º do grupo B, e 1º do grupo A, avanzan a semifináis. 3º grupo B vs 2º grupo A como cuartos de final. 4º e 5º grupo B e 3º e 4º de grupo A xogarán as semifináis Shield.
Galicia competirá no grupo B dos World Games 2026 de fútbol gaélico. Consulta nesta ligazón o calendario e resultados, segundo se vaian producindo: https://gaelicogalego.gal/seleccion/especiais/world-games-2026/feminino/
Un crowdfunding para custear o desprazamento de Galicia
Asociación Galega de Fútbol Gaelico (AGFG) puxo en marcha a iniciativa . Crowdfunding World Games 2026 para recadar cartos que permitiran custear o desprazamento das 64 persoas que integran a delegación galega. Acudir á competición supón un importante desafío económico.
Grazas á colaboración da marca galega Acontravento, a campaña contou con diferentes recompensas relacionadas coa roupa oficial da selección galega de fútbol gaélico.
Ver esta publicación en Instagram
A resposta da comunidade do gaélico galego a esta proposta foi significativa, chegando a acadarse unha cifra próxima aos 14.000 euros sumando o programa de empresas amigas.
Esta iniciativa busca construír unha ampla rede de colaboración arredor dun proxecto que representa valores como o traballo colectivo, a igualdade, a inclusión, o compromiso co deporte de base e a promoción da lingua e da cultura galega.
Ademais, de cara á participacion nos World Games 2026 de fútbol gaélico, cóntase co apoio de institucións como Turismo de Galicia, Deporte Galego e a Real Federación Galega de Fútbol, así como da firma PuntoGal . Neste desprazamento, a expedición galega fará promoción da provincia da Coruña da man da Deputación.
Ver esta publicación en Instagram
Que é a AGFG?
A Asociación Galega de Fútbol Gaelico (AGFG) é o organismo regulador oficial do fútbol gaélico en Galicia, dende a súa aprobación oficial na convención Europea dos deportes gaélicos en decembro de 2013, o cal garántelle de carácter oficial internacional recoñecido polo máximo órgano, a Gaelic Athletic Asociation (GAA).
Boa parte das actividades da AGFG intégranse dentro da RFGF (Real Federación Galega de Fútbol).
PuntoGal é un dos patrocinadores da AGFG que ademais emprega na súa web o dominio www.gaelicogalego.gal.
