Acabou a participación da Selección Galega Sub-19 no Campionato de España de Seleccións Autonómicas (CESA) de Fútbol Sala Feminino. Galicia caía na semifinal ante Murcia por un marcador de 0-4. Fíxoo un partido máis igualado e disputado do que reflicte o marcador final no que as galegas non chegaron a anotar.
As nosas dispuxeron dunha clara ocasión nas botas de Sol, pero o seu disparo sacouno a meta murciana. Así, e cando mellor pintaban as cousas para as nosas, Murcia golpeou ata en dúas ocasións de forma consecutiva. Primeiro foi Paola no minuto 9 e logo María Valverde no 11.
Os goles sentaron como dous xerros de auga fría para o elenco preparado por Rubén Carballo. Con todo, Galicia non baixou os brazos e foise arriba en busca do primeiro para meterse de novo na semifinal. Co 0-2 chegouse ao descanso na Gándara.
Tras o paso polos vestiarios, Galicia volveu apertar e primeiro Fara Antolín e logo Sol volveron acariñar o gol galego. Coas nosas envorcadas, Murcia matou o encontro. Patricia, a falta de oito minutos para o final, marcou o 0-3 e Clara, con Galicia atacando en superioridade, marcou o 0-4 definitivo.
FICHA TÉCNICA
0) GALICIA: Lucía Paz (p), Antía Martínez, Adriana García, Sol Pedrera e Lucía Osorio, Area Loureiro (p), Verónica Abelleira, Claudia Rey, Julia Rodríguez, Sandra Cid, Fara Antolín e Inés Mayan.
4) MURCIA: Ana; Dayanna, Alba Camacho, Anabel, Alba Guijarro, Blanca, María Valverde, Lucía, Clara, Patricia, Emi e Paola.
GOLES: 0-1, Paola (min. 9). 0-2, María Valverde (min. 11). 0-3, Patricia (min. 32). 0-4, Clara (min. 39).
EQUIPO ARBITRAL: Abrante González e Delgado Indalecio.
INCIDENCIAS: Semifinais do Campionato de España de Seleccións Autonómicas sub 19 de fútbol sala disputado no Pavillón da Gándara (Narón).
