Paso a paso a Selección de Galicia vai avanzando no Campionato de España de Seleccións Autonómicas (CESA) de fútbol sala para categoría infantil no que compite en Salou desde o pasado luns. Hoxe, xoves, As Nosas certificaron o seu pase á final.
😍😍😍
A un pasiño da GLORIA.
• #SentindoGalicia • #MadridGalicia • pic.twitter.com/NnzzU7Mhcg
— RFGF (@futgal) April 14, 2022
A Selección Galega ten mañá, venres 15 de abril, unha cita coa historia. Tras golear a Madrid (1-4), as futbolistas galegas que adestra a dupla conformada por Manuel del Castillo e María Bardanca, presentan a súa candidatura ao título de campioas estatais. O rival será o combinado anfitrión da competicion este CESA 2022: Cataluña. As catalás sufriron para desfacerse de Andalucía (2-3) na outra semifinal.
Pola súa banda a Selección de Galicia infantil masculina acariñaron a gran final ata que a falta de 15 segundos para o final da prórroga marcou Baleares o 2-3 definitivo.
As Nosas infantís, dispostas a facer historia no CESA 2022
O combinado dirixido por Manuel del Castillo e María Bardanca presentou a súa candidatura ao título de campioas de España despois de eliminar Madrid (1-4) nun encontro case perfecto, tal e como indican desde a Federación Galega de Fútbol.
Madrid e Galicia disputaron un gran partido de fútbol sala, con moita intensidade e cun ritmo moi alto. O partido comezou cunha gran igualdade ata que, no minuto 13, Yara Ribeiro abriu a lata do marcador pola Comunidad de Madrid cun disparo cruzado. Galicia conseguiu remontar o partido en dúas accións consecutivas e coa mesma protagonista: Sara Couso.
O marcador axustado mantívose ata os últimos instantes da segunda metade cando, a gran protagonista de Galicia durante o Campionato de España, Sara Couso, marcou dous goles para establecer o definitivo 1 a 4.
A gran final entre As Nosas e Cataluña será mañá, venres 15 de abril, a partir das 12:00 horas en Salou.
FICHA TÉCNICA
1) MADRID: Érika Gómez-Rico, Natalia Rodríguez, Ruth Redondo, María Cordobés, Valeria Jiménez, Marta Gutiérrez, María Rollón, África Navarro, Yara Ribeiro, Carla Díaz, Carla Miguel e Valeria González.
4) MADRID: Estela Fernández, Daniela Rodríguez, Andrea Dapia, Ángela Blanco, Emma Gandoy, Sara Couso, Candela Fernández, Lara Nieto, Lia Ayestarán, Nuria Pascual, Lola Muñoz e Anxela Fernández.
GOLES: 1-0 Yara Ribeiro (13′). 1-1 Sara Couso (13′). 1-2 Sara Couso (14′). 1-3 Sara Couso (28′). 1-4 Sara Cosuo (29′).
EQUIPO ARBITRAL: Juan Jose Calvo e Joan Sola. Asistente: Pau Garre
INCIDENCIAS: Semifinal do Campionato de España infantil feminino de fútbol sala. Pavillón Ponent de Salou.
📸📸📸
Unha xeración para FACER HISTORIA.
👋 @FCF_CAT. Ja som aquí
• #SentindoGalicia • #MadridGalicia • pic.twitter.com/bNRdCgOilH
— RFGF (@futgal) April 14, 2022
O equipo masculino de Galicia cae no último suspiro ante Baleares
A Selección Galega infantil masculina, o combinado dirixido por Gael Madarnas acariñou a gran final. A Selección Balear necesitou dous goles nos últimos segundos, do tempo regulamentario e da prórroga, para conseguir o billete para a gran final do Campionato de España CESA que xogarán mañá venres, ás 10.00 horas, contra Cataluña.
O partido entre as Illas Baleares e Galicia foi moi igualado, no que os galegos tenderon a vitoria ao alcance. E é que Galicia abriu a lata no marcador e o 0 a 1 mantívose ata que, nos últimos instantes de partido, Baleares empatou enviando o partido á prórroga.
No tempo extra, a Selección Galega volveu a adiantarse cun lanzamento de dez metros pero Baleares puido empatar. As semifinais decidíronse a poucos segundos polo final cando os baleares estableceron o definitivo 3 a 2.
FICHA TÉCNICA
3) BALEARES: José Bernardo, Adrián Comas, Sergi Pérez, Alber Díaz, Neizan Martínez, Jordi Reynés, Andrés Soriano, Bruno Gutiérrez, Pau Canyelles, Lucas Trujillo, Abel López e Pedro J. Ballester.
2) GALICIA: Gabriel Díaz, José Francisco Suárez, Alvaro Riobo, Iker Paz, Mateo Domínguez, David Mosquera, Borja Cortegaza, Andrés Silva, Hugo Carballeria, Pablo Costa, Marco Cepeda e Manuel Garrido.
GOLES: 0-1 Mateo Domínguez (1′). 1-1 Sergi Pérez (9′); 1-2 José Francisco Suárez (42′). 2-2 Andrés Soriano (44′). 3-2 Pau Canyelles (45′).
EQUIPO ARBITRAL: Javier Garcia e Daniel Hurtado. Asistente: Nerea González
INCIDENCIAS: Semifinal do Campionato de España CESA infantil masculino de fútbol sala Pavillón Ponent de Salou.
A Selección Galega infantil feminina superou a Extremadura no seu debut en Salou (0-2)