A Selección de Galicia de campo a través acadaba oito metais no transcurso do Campionato de España de categorías Sub-18 e Sub-16. Na cita quedou patente o nivel dunha nova xeración de atletas da nosa comunidade.
Voltaron como mellores de España Sabela Castelo, entre as Sub-16, e Xela Martínez na carreira Sub-18 feminina, e Alex Sierpes entre os Sub-16 masculinos.
A primeira alegría comezaba moi cedo na primeira das carreiras. A Selección Galega Sub-16, que xa daba avisos do que podía facer, tomaba a saída as 11.00 horas sobre unha distancia de 5km. Nunha carreira moi ben controlada polas nosas, Sabela Castelo, confirmando a súa imparable progresión, conseguía facerse co título de campioa de España, precedendo en dous postos á unha non menos sensacional Sabela Martínez quen tamen subía ao podio no terceiro lugar. Xunto elas completaban unha sensacional actuación, Paula Fernández 8ª; Carmen Martínez, 9ª; Dameku Paniagua 13ª e Debris Paniagua 14ª.
🥇🏆SABELA CASTELO, CAMPIOA DE ESPAÑA individual no Campionato de España Sub16 de Campo a Través desenvolto no día de hoxe en Pamplona!!!
Parabéns!https://t.co/e0WeMwOWeU pic.twitter.com/K2wkMH1Nkf— Atletismo Galego (@atletismogalego) March 19, 2023
Con estos importantes resultados a nivel individual a Selección de Galicia Sub-16 feminina lograba proclamarse campioa de España por diante dos combinados de Catalunya e Euskadi.
🥉SABELA MARTÍNEZ, MEDALLA DE BRONCE individual no Campionato de España Sub18 de Campo aTravés desenvolto no día de hoxe en Pamplona!!!
Parabéns!https://t.co/e0WeMwOWeU pic.twitter.com/lG5sozHM7M— Atletismo Galego (@atletismogalego) March 19, 2023
Ca alegría aínda no corpo do equipo técnico galego integrado por Mayka Jueguen, Marcos Otero e Óscar Seoane, dábase a saída a segunda carreira reservada para a categoría Sub-16 masculina. Sobre un percorrido idéntico ao das mulleres, novamente as boas novas non se fixeron agardar xa que outro dos nosos prometedores talentos, Alex Sierpes lograba unha contundente victoria proclamándose campión de España. Por seleccións Galicia ocupaba a sexta posición grazas aos postos de Roque González 16º; Mario Lorenzo 43º; Gael Varela 45º e Alejandro Santos, 50º e Daniel Ameneiro, 68º.
Con estos importantes resultados logrados pola Selección de Galicia Sub-16, saltaban ao circuito ás atletas da categoría Sub-18 femininas ao fronte das cales atopábase unha das principais favoritas ao título, a galega Xela Martínez.
🥇🏆XELA MARTÍNEZ, CAMPIOA DE ESPAÑA individual no Campionato de España Sub18 de Campo aTravés desenvolto no día de hoxe en Pamplona!!!
Parabéns!https://t.co/HVlvu7MkSR pic.twitter.com/q8DwVaNb2I— Atletismo Galego (@atletismogalego) March 19, 2023
A corredora da Escola Atlética Lucense, quen fora derrotada por María Viciosa no campionato de cros de Bizkaia, confirmou (como xa fixera no mundial de Australia) que é a mellor da súa categoría no ámbito estatal. Por si houbera alguna mínina dúbida, lograba o título de campioa de España liderando á Selección Galega que subía ao terceiro caixón no podio por equipos. A conseguir este bronce contribuiron decisivamente Sara Guedes no posto 23ª; Leyla Villar no 24º; Sandra Gonzalez no 38º; Estela Díaz no 54º e Amparo Corredoira no 60.
💥💥MEDALLA DE BRONCEEEEEEEE!!!!!
A #selecciongalegadeatletismo Sub18 feminina consigue por equipos o 🥉 BRONCE NACIONAL
🙌🙌🙌🙌🙌
Parabénssssss!!!!!!https://t.co/gpeewnpiea pic.twitter.com/fluVmrq730— Atletismo Galego (@atletismogalego) March 19, 2023
Nunha mañá pletórica de éxitos para as nosas seleccións, aínda quedaba por competir o último dos equipos galegos, os Sub-18, que sairían ao circuíto tremendamente motivados polo sensacional decorrer do campionato para os interesese galegos que se estaban producindo.
Liderados nunha gran carreira polo lucense Teo de Frutos, o fondista conseguía a sétima das medallas logo de entrar na línea de meta na terceira posición.
🥉Teo de Frutos, medalla de bronce individual no Campionato de España Sub18 de Campo aTravés desenvolto no día de hoxe en Pamplona
Parabéns!https://t.co/9F6sm85AIQ pic.twitter.com/ke78J9VXDI— Atletismo Galego (@atletismogalego) March 19, 2023
Con este novo metal á Selección de Galicia lograba subir novamente ao podio no terceiro chanzo grazas tamen ao gran traballo en conxunto que levaron a cabo Miguel Alvariño quen lograba a cuarta posición; Asheber Díaz a 11º; Iker Fernández a 23º; Pepe Sánchez a 41º e Anxo Bello que entraba no posto 57º. Xuntos, reportaban un novo bronce neste fantástico campionato que “pon en valor a enorme calidade desta ilusionante canteira galega que está chamada no día de mañán a abandeirar a nivel internacional o noso atletismo”, salientan desde a Federación Galega de Atletismo.
