Un total de seis medallas no Campionato de España Sub-20 de pista cuberta foi o balance da actuación galega nos campionatos de España disputados durante esta fin de semana na localidades de Sabadell.
Na cidade catalana de Sabadell tomaron parte as e os atletas galegos Sub-20 no campionato estatal indoor de atletismo. O máis salientable foron os excelentes resultados dos nosos e nosas representantes no que destacaron os subcampionatos de España acadados por Xiana Lago do Ría Ferrol no concurso de peso no que mandaba o artefacto no seu segundo lanzamento ata os 13,48 m. apenas só a tres centímetros do título.
CTO. DE ESPAÑA SUB20 DE PISTA CUBERTA
Xiana Lago do Ría Ferrol🥈en peso; Enma Sihuang da Atlética Lucense🥉en altura; Isabel Caeiro da Gimnástica🥉nos 3.000 m.
Lucía Sánchez del Valle da Atlética Lucense🥈 en pentatlon e Carolina Santos do Ría Ferrol semifinalista dos 1.500 m. pic.twitter.com/wPH0RVo6Xk— Atletismo Galego (@atletismogalego) March 6, 2023
Lucía Sánchez del Valle da Escola Atlética no concurso de pentatlón, foi outra das destacadas rematando a súa actuación ca medalla de prata e unha puntuación total de 3.543 dos cales a proba dos 60 valos foi a que máis puntuación lle reportaba.
De igual modo tamén estiveron no podio estatal Isabel Caeiro da Gimnástica de Pontevedra na proba dos 3.000 m. con 10:25.34; Emma Sihuang Pérez da Atlética Lucense en altura con 1.73, e a internacional Diaou Diallo do Ría Ferrol que tivo que agardar ata o seu último salto para chegar ata os 12.33 m. cos que conseguía subir ao podio no concurso de triplo.
Outra das nosas atletas que acadaban un importante metal de bronce no campionato de España de pista cuberta Sub20
🏃♀️Diaou Diallo (Ria Ferrol)
🥉MEDALLA DE BRONCE
👉Triplo salto con 12.33 m.
🎊Parabéns pic.twitter.com/JNzIdmRHnG— Atletismo Galego (@atletismogalego) March 6, 2023
Na categoría masculina foi Fernando Vallines do Maderas Barcia Lourenzá quen co seu primeiro intento de 15.67 m. lograba a medalla de bronce no concurso de lanzamento de peso.
Mención especial nestos campionatos para Carlota Salgado do A.F. Celta no pentatlón, Ainhoa Reparaz do Val Miñor nos 200 m., Iván Rego do Lucus nos 3.000 m. e Xoel Otero do Mazí no pentatlón, todos elas e eles foron finalistas desta edición do Campionato de Espaañ de Atletismo Sub-20 indoor.
