Un total de 11 deportistas do Programa de Tecnificación Deportiva de Escalada da Federación Galega de Montañismo (FGM) asistiron á 1° Proba da Copa de España de Escalada de Velocidade – Xuvenil e Absoluta, disputada o pasado 26 de marzo, en Oviedo.
Desde a Federación Galega de Montañismo considéranse estos resultados como “excelentes foron os resultados da expedición galega, ao conseguir un total de cinco medallas que acreditan o eficaz enfoque do Programa de Tecnificación de Escalada da FGM“.
As medallas de ouro foron para Javier Gento, na categoría Sub-14 masculina, do club AMI de Coruña e para Nora García, na categoría Sub-16 feminina, do club de Montaña Coruña.
A medalla de prata foi a mans de Xián Peláez na categoría Sub-18 masculina, do Club Montañeiros Celtas de Vigo. Pola súa banda, Valeria Rodríguez na categoría Sub-14 feminina, do club ASESOU de Ourense, conseguiu o bronce.
Erik Noya acariña o ouro e finaliza terceiro nesta proba de escalada
Un resbalón privou ao escalador Erik Noya, subcampión do mundo de velocidade (2021), de disputar o triunfo na categoría absoluta.
O deportista galego, Erik Noya, do Club de Montaña Coruña, subcampión do mundo en escalada de velocidade (2021), e unha das esperanzas galegas para os próximos XX.OO. que non está no programa de tecnificación deportiva por pertencer á Selección Española de escalada de Velocidade e prepararse no (CAR de Sant Cugat del Vallés en Barcelona). Erik Noya, obtivo a medalla de bronce, tras escorregar no acceso á final, xa que a competición celebrouse ao aire libre e as presas condesaban algo de humidade.
Así mesmo, conseguíronse dous cuartos postos: Carlota Böck, na categoría Sub-18 feminina, do club ASESOU, Ourense e Hadrián Pérez, na categoría Sub-16 masculina, do AMI de Coruña.
Galicia acadou tamén, dous quintos postos: Mara Rodríguez, na categoría Sub-18 feminina, do Club Montañeros Celtas Vigo e Juan Correa, na categoría Sub-18 feminina, do Club Montañeiros Celtas Vigo.
Pola súa banda, Lucía Lores, do club Montañeros Celtas (VIGO), conseguiu un meritorio sexto posto, na categoría Sub-18 feminina; Santiago González, sétimo e Iván Pacios oitavo na categoría Sub-14 masculina, ambos os deportistas de ASESOU.
Por último, participaron na I° Proba da Copa de España de bloque. Xuvenil e Absoluta, Oviedo, o 25 e 26 de marzo 2023, Xián Peláez do Club Celtas na categoría Sub-18 masculina, acceso ás finais e 4° posto, así como Carlota Böck, na categoría sub-18 feminina, acceso ás finais, do Club ASESOU.