Espectacular Campionato de España de lanzamentos longos de menores o desenvolto polas nosas e nosos atletas en Castelló. Nada menos que un total de catro medallas e tres postos de finalistas lograrían os oito atletas galegos e galegas que acudiron a esta cita á que se achegaron os mellores especialistas do estado na procura de bos rexistros.
Segundo apunta a Federación Galega de Atletismo “non cabe ninguna dúbida que estes resultados fan mirar con moito optimismo ao sector de lanzamentos da nosa comunidade que continuará grazas a esta impresionante xeneración de atletas e ao gran traballo dos adestradores, dando moito que falar nos seguintes lustros”.
Catro medallas no campionato
No apartado de medallas novamente Irene Gómez, do Valencia Atletismo, volvía amosar a súa importante progresión que está a facer desta atleta Sub20 un claro referente de futuro inmediato. A lanzadora internacional e campioa de España Sub20 e prata no nacional longo de inverno, melloraba en catro centímetros a súa mellor marca chegando ata os 55.42 m. e quitando preto de catro metros a segunda clasificada.
A última das medallas viría da man de Marta Neira do AVA quen faría voar o martelo ata os 54.39 m. para acadar con moita superioridade o título nacional na categoría Sub18. Con este posto, mellora o bronce logrado o ano pasado confirmandoa como outra dos importantes valores do martelo a nivel nacional.
Nicolás Ortega, Coruña Comarca, lograba outra nova medalla no campionato, desta vez de bronce en disco Sub18, grazas ao seu mellor intento de 53.24 metros. Excelente campionato para o coruñés quen mellora amplamente a marca de 49.93 metros. ca que se achegaba a esta cita e que pon en valor a súa excelente capacidade competitiva.
María Pena do A.F. Celta confirmaría neste campionato o seu excelente nivel que a levarían no concurso de xavelina Sub20 a lograr unha fantástica medalla de prata cun mellor lanzamento de 43.59 metros.
Tres finalistas na expedición galega
O concurso cargado de moitísima emoción e calidade, tivo que agardar ata o último intento da galega para que dun formidable trallazo, se puxera no podio e xa de paso, mellora en practicamente metro e medio a súa MMP do 2019.
Na categoría másculina Eric Méndez do Celta ocupaba posto de finalista no concurso de martelo Sub20 neste campionato cun mellor lanzamento de 58.46 m. mellorando a súa marca no que é o debut nesta nova categoría do céltico.
Outra das xavelinistas que tomaban parte na categoría Sub18 neste Campionato de España de Lanzamentos longos era Laura Rico do Ría Ferrol. Esta atleta era quen de logra o posto de finalista ao acadar a oitava posición con 30.81 metros. A ferrolá debutaba nesta nova categoría logo de acadar o ano pasado o título de campioa na categoría Sub16 da modalidade.
Bo Campionato de España de Lanzamentos longos tamén o realizado pola lanzadora Sub20 do A.F. Celta Paula Piñón, quen tomaba parte nada menos que en dúas probas. No primeiro dos concursos nos que competiu Paula Piñón, a atleta celeste lograba un sexto posto en xavelina con 38.75 metros. No segundo concurso, o de lanzamento de disco, Paula Piñón asinou unha novena posición ao lanzar o aparello ate os 34.24 metros de distancia.
No apartado de infortunios, Blanca Pereira do Ourense Atletismo levaría a pior parte neste campionato estatal. A talentosa atleta ourensá, que aspiraba a podio, finalmente non foi capaz de realizar ningún lanzamento válido no círculo de martelo. Esta circunstancia levouna a rematar a proba estatal sen marca acreditada. Desde a Federación Galega de Atletismo consideran que no caso desta deportista “desta experiencia sairá unha excelente aprendizaxe que servirá para seguir medrando”.
