O Polideportivo Municipal Paco Navarro de Huércal en Almería acolleu o Campionato de España absoluto feminino e masculino de halterofilia. Na cita Galicia conseguiu 30 metais dos cales 24 acadáronos halteras do CH Coruña.
No acontecemento deportivo tomaron parte un total de 177 levantadores. Deles 93 foron mulleres e 84 homes chegados de todo o territorio estatal. Para esta cita clasificáronse nas fases previas as e os halteras que acadaron as marcas mínimas establecidas para este Campionato de España absoluto.
A haltera coruñeas Irene Martínez gañou o seu 14º título absoluto na modalidade de Total Olímpico. Ademais, desta volta acadou a mellor marca feminina de todo o campionato. Irene Martínez, deportista do C.H. Coruña, levabanba 88 kg en arrancada, 106 kg en dous tempos e 194 kg en total olímpico levando o ouro nas tres modalidades.
Pleno de ouros tamén para Irene Blanco, a súa compañeira no C.H. Coruña que levantaba 95 kg / 115 kg / 210 kg.
Durante a competición a haltera coruñesa Ruth Fuentefría estableceu un récord de España Junior na súa categoría corporal de 49 kilos de peso na modalidade de arrancada cunha marca de 72 quilos.
A Selección de Galicia feminina foi subcampioa por detrás de Andalucía. O terceiro lugar no caixón foi para Valencia. A Selección de Galicia masculina quedou fóra do podio detrás de Andalucía, Madrid e Valencia.
No que atinxe a número de deportistas, Galicia estivo representatada por 18 deportistas, oito masculinos e dez femininos.
Estos foron os resultados e clasifcacións de todas e todos os deportistas galegos no Campionato de España absoluto de halterofilia nas modalidades de arrancada, dous tempos e total olímpico:
Categoría 45 kgs
- Noelia Garcia C. H. Coruña 55 (prata) 70 (prata) 125 (prata)
Categoría 49 kgs
- Odette Alonso C.H. Coruña 55 (7) 68 (7) 123 (7)
- Ruth Fuentefria C.H. Coruña 72 (prata) 78 (bronce) 150 (prata)
Categoría 59 kgs
- Irene Martínez C.H. Coruña 88 (ouro) 106 (ouro) 194 (ouro)
- Dariana Arancibia C.H. Coruña 71 (7ª) 89 (9ª) 160 (8ª)
Categoría 64 kgs
- Uxia Romero C.H. Orense 71 (13ª) 89 (16ª) 160 (13ª)
Categoría 71 kgs
- Ana Rodríguez C.H. Vigo 66 (13ª) 80 (13ª) 146 (13ª)
- Amy Abelleira C.H. Vigo 76 (8ª) 96 (7ª) 272 (7ª)
Categoría 81 kgs
- Irene Blanco C.H. Coruña 95 (ouro) 115 (ouro) 210 (ouro)
- Paula Canedo C.H. Coruña 79 (prata) 100 (bronce) 179 (bronce
Categoría 55 kgs
- Aris Salaño C.H. Coruña 67 (bronce) 87(bronce) 154 (bronce)
Categoría 67 kgs
- Víctor Castro C.H. Coruña 130 (prata) 153 (prata) 283 (prata)
- Daniel Merayo C.H. Sulyos 95 (6) 116 (6) 211 (6)
- Iván Ramírez C.H. Orense 105 (bronce) 135 (bronce) 240 (bronce)
Categoría 73 kgs
- Diego Viera C.H. Coruña 110 (7) 130 (13) 240 (13)
Categoría 89 kgs
- Martín Liste C.H. Coruña 145 (prata) 170 (prata) 315 (prata)
Categoría 96 kgs
- David Mata C.H. Sulyos 132 (4) 156 (4) 288 (4)
Categoría +109 kgs
- Javier Rodríguez C.H. Cambre 135 (ouro) 170 (ouro) 305 (ouro)
