Galicia volve con premio do Campionato de España júnior de Loitas Olímpicas. A selección da Federación Galega de Loita e D.A. (Fegaloita), acadou o bronce na clasificación por sleccións. Na categoría feminina de loita libre participaron catro loitadoras, dúas delas do Atila de Ourense, unha do Ciudad de Vigo e outra do El Castro de Vigo.
Un ano marcado polas retrisccións por mor da COVID-19, os clubs participantes sobrepuxéronse ás dificultades e mostraron un gran nivel no torneo estatal. Dentro da categoría libre feminina o Atila de Ourense foi o mellor clasificado entre os clubs galegos participantes, quedando en 13ª posición. A loitadora Andrea Castro competiu en 65 kg e acadou a quinta posición. A súa compañeira Raquel Bravo quedou porén na sexta posición na categoría de 50 kg.
A participación feminina tamén incluiu a Luana Raquel, quedando quinta en 57 kg, do El Castro de Vigo, equipo que quedou na 16ª posición. Finalmente Aimara Osco competiu en 59 kg quedando así mesmo quinta e representando ao Club Ciudad de Vigo, tamén 16º clasificado.
No corpo técnico viaxou a como parte do equipo de Galicia Nerea Pampín, en acompañamento ás deportistas da Fegaloita.
