Un total de 26 atletas galegas/os son os que de maneira provisional figuran inscritos e inscritas no Campionato de España Sub-18 de atletismo que se vai desenvolver durante esta fin de semana no Palau Velódromo Lluis Puig de Valencia, segundo informa a Federación Galega de Atletismo.
Na lista de inscritas están atletas de clubs como: AF Celta, Ourense At., Ría de Ferrol, Atlética Lucense, A. Val Miñor, AA Mazí e Lucus CRG.
A representación do atletismo galego
Entre este salientable número de participantes compre destacar a presenza da corredora lucense Xela Martínez quen parte como indiscutible favorita para o título na proba dos 1.500 m. A deportista da Escola Atlética Lucense, con so 16 anos, lograba o récord de España Sub-18 e Sub-20 sobre esta mesma distancia no recente Campionato Nacional Absoluto disputado en Expourense.
Ver esta publicación en Instagram
A velocista do Val Miñor Ainhoa Repáraz será outra das atletas destacadas que tomen parte nesta cita e cuxo obxectivo será por unha banda defender o título nacional logrado o ano pasado e pola outra mellorar a súa actuación do absoluto en Ourense.
Enma Sihuang Pérez da Atlética Lucense, figura inscrita no concurso de altura ao que acude ca terceira mellor marca e con moitas posibilidades de repetir o podio logrado no pasado campionato nacional de Barcelona.
A saltadora de pértega do Celta Lisa Vosberg – debutante nesta categoría- viaxa a terras levantinas nun excelente estado de forma que a sitúan de líder do ranking nacional. O ano pasado sendo Sub-16, lograba o bronce en Oviedo, metal que intentará mellorar nesta edición.
Seguindo nos concursos de saltos, atención a participación neste estatal de atletismo dun novo valor emerxente no sector de triplo na que Xoel Otero do A.A.Mazí, vai disposto a loitar directamente polos metais.
Outras das atletas a ter moi presente é Carlota Salgado a quen veremos tanto no concurso de altura como de combinadas. A atleta do Celta que recentemente estreaba internacionalidade efectuando a súa MMP, figura inscrita ca segunda mellor marca das participantes no concurso de combinadas.
Ver esta publicación en Instagram
Alicia Barreiro do Ría Ferrol e Fabián Vidal do Barbanza nos 400 m.; Ricardo Negrete do Ría Ferrol nos 800 m., Sergio Quintas do C.D. La Purísima nos 1.500 m., Daniel Cariñena do Millaraio na lonxitude e Fernando Vallines do Maderas Barcia Lourenzá en peso, son outros e outras das serias aspirantes a estar nos postos importantes deste campionato que poderemos seguir en directo a partir do sábado nesta seguinte ligazón.
