Dous triunfos, e dous pases para a fase final da Copa da Raíña para os dous equipos galegos que loitaban esta fin de semana por conseguilo. O ENCE Marín Futsal gañaba ao CD La Concordia por 1-2 a domicilio. O Ourense Envialia facía o propio en cancha galega impoñéndose 4-1 ao Leganés.
Pescados Rubén Burela e o Poio Pescamar tiveron que adiar os seus partido por mor positivos en COVID-19. Cando se disputen eso partidos Galicia podería chegar a ter catro equipos na fase final do torneo do KO. Hai que lembrar que o título deféndeo o Burela.
O ENCE Marín Futsal segue soñando en alto esta tempada. Con traballo pero as xogadoras que adestra Raúl Jiménez están acadando éxitos. O último é a súa clasificación para a fase final da Copa da Raíña. Custou gañar ao CD La Concordia, pero fíxose e dese xeito as galegas teñen o seu billete para loitar polo trofeo.
O primeiro gol foi de Jessi Café que abriu a lata para as galegas en terras catalás. O segundo, que daba un pouco de respiro (2-0) asinouno Inés. No minuto 38 de partido Naiara recurtaba distancias ata o 1-2 pero as de Marín aguantaron o marcador favorable ata o final do choque.
FICHA TÉCNICA
1) CD LA CONCORDIA: Mónica, Sonia, Paula Pérez, Sonia Blanco, Marina Flor e Naiara – quinteto inicial -. Tamén xogaron: Kautar, Laura Botifoll, Mercè e Sandra.
2) ENCE MARÍN FUTSAL: Silvia Aguete, Ceci, Pau, María León, Café – quinteto inicial -. Tamén xogaron: Antía, Mar, Licia, Inés, Dani Fleitas e Lu.
GOLES: 0-1 Jessi Café (min. 10); 0-2 Inés (min. 31); 2-1 Naiara (min. 38).
ÁRBITROS: Alonso Pérez y Pérez-Porro Costa (Comité catalán). Mostró cartulina amarilla a María León por el Marín Ence Futsal.
INCIDENCIAS: Pabellón Turó. 200 espectadores.
O Ourense Envialia, entre os oito elixidos para a fase final da Copa
O 4-1 co que rematou o choque entre Ourense Envialia FS e CD Leganés FS pode facer ver que as xogadoras que adestra Gonzalo Iglesias Morenín camiñaron por un camiño de rosas rumbo ao seu pase á fase final da Copa da Raíña. Pero non. No pavillón dos Remedios, aos 11 minutos de partido as locais ían perdendo.
🏆COPA DE S.M. LA REINA RFEF FSF
(8º’s Final)@OUenvialiaFSF 0-1 @CDLeganesFS_Fem⚽️ @Esther9Puche10 adelanta a las visitantes en la mitad del primer tiempo. Buen saque de @IGarciaCarrion para hacer el gol!! Apenas se ha visto en 📺 😅
Toda la 🏆 en https://t.co/UERAIwoLJj pic.twitter.com/rdQ65beGNn
— Esimportante.es – Futsal Femenino 🇪🇸 (@esimportante_es) January 8, 2022
Non entraba nos planes das ourensás perder o seu billete á fase final do torneo do KO e pisaron o acelerador. Non chegou o premio ata a segunda metade, na que, agora, si, o Ourense Envialia FS pasaba por encima do seu rival anotando un tanto tras outro. Primeiro Chiky empataba o partido no minuto 27 de xogo. E a partir de aí, empezou a festa local.
Judith puxo por diante ao Ourense Envialia 1-2 no minuto 35 e de novo Chiky anotaba para as galegas no 39. A puntilla, sobre a bucina, asinouna Laura Uña que deixou o 4-1 no electrónico dos Remedios. O xogo de cinco polo que optara o CD Leganés nos últimos cinco minutos de partido non serviu para que as visitantes recurtasen distancias no marcador, ao contrario, apurou aínda máis as ganas de gol do conxunto que prepara Morenín.
FICHA TÉCNICA
4) OURENSE ENVIALIA FS : Vane Barberá, Chiky, Judith, Laura Uña e Iria Saeta – quinteto inicial -. Tamén xogaron: María Arias, Jenny Lores, María, Robinha e Elisa Robles.
1) CD LEGANÉS: Míriam, Isa, Patri Blázquez, Puche e Pipi – quinteto inicial -. Tamén xogaron: Chuli, Patry Montilla, María Barcelona, Molano e Natalia Orive.
GOLES: 0-1, min. 11: Puche; 1-1, min. 27: Chiky; 2-1, min. 35: Judith; 3-1, min. 39 Chiky; 4-1, min. 40: Laura Uña.
ÁRBITROS: Carreira Romero e Amor Vizoso. Viron cartón amarelo a xogadora do Leganés Natalia Orive e tamén o adestrador do conxunto local, Gonzalo Iglesias Morenín.
INCIDENCIAS: Partido correspondente aos oitavos de final da Copa da Raíña de fútbol sala disputado no Pavillón Polideportivo do Remedios en Ourense.
