A xornada 11ª estivo marcada por malos resultados acadados polos tres conxuntos galegos que compiten na LF2. O Mariscos Antón Cortegada non conseguiu facerlle fronte ao Siroko Gijón Basketball e perdeu por 73-81, aínda que se mantén no 4º posto. O Maristas Coruña caeu por 68-66 ante o Ibaizabal, na súa segunda derrota do curso. O C.B. Arxil correu a mesma sorte fronte ao Abril Abda Sanfer (54-51) e achegase á zona de descenso.
Derrota do Cortegada en Xixón
O Mariscos Antón Cortegada sufriu a súa cuarta derrota na LF2 (82-71) nun partido que, en principio, parecía accesible para o cadro dirixido por Manuel Santos Nores, xa que se enfrontaba ao Siroko Gijón Basketball, un equipo que naufraga pola parte baixa da clasificación.
No deporte todo pode pasar e, nesta ocasión, as galegas, que continúan ocupando o 4º posto da táboa, viron como as asturianas se impoñían sen complexos ante un rival superior sobre o papel, conseguindno rematar por diante no marcador en tres cuartos.
O Cortegada deberá agora loitar por recompoñerse e seguir sumando vitorias que o acheguen ao podio da clasificación.
O seu próximo encontro será contra o líder, o Ibaizabal, o próximo sábado 20 de decembro ás 19:30 horas en Vilagarcía de Arousa.
Ver esta publicación en Instagram
FICHA TÉCNICA
PARCIAIS: 25-15, 23-27, 13-10, 22-19
EQUIPO ARBITRAL: Julio César Alonso Díez e Iván García Rodríguez.
INCIDENCIAS: Partido correspondente á onceava xornada da LF2, disputado no Palacio de Deportes de La Guía Presidente Adolfo (Xixón).
O Maristas Coruña perde o liderado
O Maristas Coruña tropezou por segunda vez nesta tempada e, aínda que por unha marxe moi axustada, sumou a súa segunda derrota (68-66), desta vez fronte ao Ibaizabal, nun partido no que as coruñesas dominaron os dous primeiros cuartos, empataron o terceiro, pero deixaron escapar a vitoria nun último cuarto que rematou cun parcial de 21-8.
Este revés ante un dos rivais máis fortes da liga supón ao Maristas Coruña perder o liderado e descender ao segundo posto da táboa clasificatoria. Un duro golpe para o cadro herculino, que estaba facendo méritos para encabezar a competición, posición que agora ocupa o Ibaizabal.
A derrota servirá ao conxunto galego para manter a concentración e retomar a mentalidade gañadora que veñen demostrando ao longo de todo o curso, continuando na loita polo título ligueiro.
O seu próximo encontro será ante o Smartlog Ointxe, o vindeiro 20 de decembro, ás 18:00 horas, en campo propio.
Ver esta publicación en Instagram
FICHA TÉCNICA
PARCIAIS: 12-19, 14-18, 21.-21, 21-8
EQUIPO ARBITRAL: Gorka García Balzategui e Jon Huegun Rodríguez.
INCIDENCIAS: Partido correspondente á onceava xornada da LF2, disputado no Polideportivo Urreta (Biscaia).
Futuro complicado para o Arxil
O C.B. Arxil sufriu unha nova derrota, a oitava da tempada, fronte ao Abril Abda Sanfer (54-51). O resultado foi moi igualado, e o cadro pontevedrés chegou a dominar o partido con claridade no segundo cuarto, que rematou 6-17.
A pesar dos esforzos, o equipo dirixido por Marina Janeiro non conseguiu acadar a vitoria, e o futuro do C.B. Arxil semella cada vez máis complicado.
As galegas só lograron vencer en tres ocasións nesta tempada, e a situación para salvar a categoría aperta cada vez máis, aínda que aínda non é imposible.
O C.B. Arxil necesita con urxencia un cambio de mentalidade e recuperar a súa mellor versión, a mesma que amosaron na xornada 9, cando lograron iimpoñerse ao Cortegada, un dos grandes da liga, cun resultado de 77-60.
O seu próximo partido será o vindeiro 11 de xaneiro, ás 12:30 horas, fronte ao Siroko Gijón Basketball, en Asturias.
Ver esta publicación en Instagram
FICHA TÉCNICA
PARCIAIS: 13-10, 6.-17, 16-11, 19,13.
EQUIPO ARBITRAL: Adrián Álvarez Rodríguez e Adrián Pérez Martínez.
INCIDENCIAS: Partido correspondente á onceava xornada da LF2, disputado no Complejo Deportivo Avilés (Avilés).
RESULTADOS DA XORNADA DA LF2. GRUPO B
- SIROKO GIJÓN BASKETBALL – MARISCOS ANTÓN CORTEGADA 83-71
- TNG BASQUET A – TALENOM BOET MATARÓ 59-66
- ROMAKURUMA U.E.MATARÓ – ROBLES LLEIDA 85-66
- IBAIZABAL – MARISTAS CORUÑA 68-66
- SMARTLOG OINTXE – HORBISA SPIRIT GREENKW BARAKAL 80-71
- ABRIL ABDA SANFER – C.B. ARXIL 54-51
- MIPELLETYMAS B.F. LEÓN – MANRESA CBF A 71-66
